GreenPole
  • Donate
  • Menu Canvas
    • მთავარი
    • პროექტები
    • სიახლეები
      • საქართველო
      • მსოფლიო
    • შემეცნებითი
    • ჩვენი გუნდი
    • კონტაქტი
    • ქართული
      • English
  • ძებნა
GreenPole
  • მთავარი
  • პროექტები
  • სიახლეები
    • საქართველო
    • მსოფლიო
  • შემეცნებითი
  • ჩვენი გუნდი
  • კონტაქტი
  • ქართული
    • English
  • ძებნა

ანჯელინა ჯოლი ფუტკრებით დაფარული ფოტოთი მათი დამტვერვის პროცესში ჩართულობის აუცილებლობას აღნიშნავს

Homepage მსოფლიო ანჯელინა ჯოლი ფუტკრებით დაფარული ფოტოთი მათი დამტვერვის პროცესში ჩართულობის აუცილებლობას აღნიშნავს
მსოფლიო

ანჯელინა ჯოლი ფუტკრებით დაფარული ფოტოთი მათი დამტვერვის პროცესში ჩართულობის აუცილებლობას აღნიშნავს

ივნისი 13, 2021
By GREENPOLE
0 კომენტარი
375 ნახვა

20 მაისს მსოფლიო მასშტაბით ფუტკართა დღე აღინიშნება. სწორედ ამ დღისთვის ანჯელინა ჯოლი გამოცემა National Geographic-თან გაერთიანდა საერთო კამპანიისთვის.

მცენარეთა დამტვერვის პროცესში ფუტკართა ჩართულობის უდიდესი მნიშვნელობის შესახებ ცნობიერების ასამაღლებლად National Geographic-ის ჟურნალში ჯოლის ფუტკრებით დაფარული ფოტო ვრცელდება.

,,ჩვენ სამეცნიერო რანგზე უნდა გვესმოდეს, რა მოხდება იმ შემთხვევაში, თუ ეს მწერები გაქრებიან. ფუტკართა პოპულაციის შენარჩუნება ისეთი პრობლემაა, რომლის გადასაჭრელად ერთიანი ძალისხმევაა საჭირო“, – ამბობს ჯოლი გამოცემასთან საუბრისას.

მსახიობი დიდი ხნის განმავლობაში თანამშრომლობდა გაეროს ლტოლვილთა უმაღლეს კომისარიატთან, ახლა კი იგი იწყებს მუშაობას იუნესკოსთან ინიციატივისთვის ,,ქალები ფუტკრებისთვის“, რომლის ფარგლებშიც გაკეთდება 2,500 სკა ფუტკართა პოპულაციის 125 მილიონით გაზრდის პერსპექტივით 2025 წლისთვის.

National Geographic-ისთვის ფოტოს გადაღება არც ისე მარტივი აღმოჩნდა. მწერებთან სიფრთხილის ფაქტორს პანდემიაც დაემატა. გამომცემლობის ფოტოგრაფებმა პროცესის გასაადვილებლად იმ ტექნიკას მიმართეს, რომელიც ცნობილმა ამერიკელმა ფოტოგრაფმა, რიჩარდ ავედონმა, 40 წლის წინ გამოიყენა. ფუტკართა გადაღების პროცესში ,,სამართავად“ გამოიყენეს ფერომონი, ქიმიური ნივთიერება, რომელსაც ცოცხალი ორგანიზმები გამოყოფენ და რომელიც ახდენს გავლენას ამავე სახეობის წარმომადგენლების ქცევაზე.

ფოტოზე იტალიურ ფუტკრებს ვხედავთ. ანჯელინა ჯოლის გარდა, პროცესში ჩართულ ყველა პირს დამცავი აღჭურვილობა ეცვა. გარემოში სიჩუმე და სიბნელე უნდა შენარჩუნებულიყო ფუტკართა სიწყნარისთვის. ჯოლის სხეული დაიფარა ფერომონით იმ ადგილებში, სადაც ფუტკრებს თავი უნდა მოეყარათ. მსახიობი 18 წუთის განმავლობაში გაუნძრევლად იდგა. ფოტოგრაფი დენ უინტერსი ამბობს, რომ ეს ერთ-ერთი ყველაზე საოცარი ფოტოსესია იყო არა მხოლოდ მისთვის, არამედ მთლიანი გადამღები ჯგუფისთვის, რომელიც ამავდროულად ძალიან მნიშვნელოვანი საკითხის შესახებ ცნობიერების ამაღლებას ემსახურება.

სტატიაზე მუშაობდა : ნინი თოიძე

წყარო : www.ecowatch.com

ნახვები : 360 1 წუთის საკითხავი

წინა პოსტი
ტესლა კლიმატის ცვლილებასთან ერთად ბიტკოინთან დაკავშირებით პოზიციას ცვლის
შემდეგი პოსტი
ბრაზილიის გარემოს დაცვის მინისტრს ხის კონტრაბანდაში ედება ბრალი

Leave your comment Cancel Reply

(will not be shared)

ბოლო ჩანაწერები

  • “ჩემი ქალაქი მკლავს“ მოძრაობა, ბოლნისის რაიონის სოფელ გეთაში ჩავიდა
  • ლონდონი და მილანი ჰაერის ხარისხის გაუმჯობესების მიზნით შეკრებას უხელმძღვანელებენ
  • ლონდონში დაწყებულია კამპანია შეშის წვის საფრთხეებზე ცნობიერების ასამაღლებლად
  • ნიუკასლის სუფთა ჰაერის ზონა აქტიურდება
  • აშშ-ის მთავრობა ასთმის საშიშროების გამო გაზის ქურების აკრძალვას განიხილავს
Alone
  • Call Us: + 995 551 858 858
  • greenpoleorg@gmail.com
  • Tbilisi , Georgia
Copyright ©2020 GREENPOLE. All Rights Reserved
SearchPostsLogin
ოთხშაბათი, 22, მარ
“ჩემი ქალაქი მკლავს“ მოძრაობა, ბოლნისის რაიონის სოფელ გეთაში ჩავიდა
ორშაბათი, 20, მარ
ლონდონი და მილანი ჰაერის ხარისხის გაუმჯობესების მიზნით შეკრებას უხელმძღვანელებენ
შაბათი, 11, მარ
ლონდონში დაწყებულია კამპანია შეშის წვის საფრთხეებზე ცნობიერების ასამაღლებლად
კვირა, 26, თებ
ნიუკასლის სუფთა ჰაერის ზონა აქტიურდება
პარასკევი, 24, თებ
აშშ-ის მთავრობა ასთმის საშიშროების გამო გაზის ქურების აკრძალვას განიხილავს
პარასკევი, 24, თებ
გაერთიანებული სამეფოს საზოგადოება უარს ამბობს საზოგადოებაში მოწევაზე, ტრასნპორტის გამონაბოლქვი კი შედარებით მისაღები რჩება

Welcome back,