ტესლა კლიმატის ცვლილებასთან ერთად ბიტკოინთან დაკავშირებით პოზიციას ცვლის

ამერიკულმა ელექტრომანქანების მწარმოებელმა კომპანია ტესლამ, ბიტკოინით გადახდის მეთოდის გეგმები შეაჩერა, განაცხადა კომპანიის აღმასრულებელმა დირექტორმა, ილონ მასკმა, თვითერის განცხადებაში გასულ ოთხშაბათს.

მასკმა, რომელიც პოპულარული გახდა კრიპტოვალუტის ფასების ცვლილებით, თვითერის მეშვეობით, ტესლას პოზიციის ცვლილების მიზეზებად დაასახელა დიდი რაოდენობით ენერგიის მოხმარება, რომელიც  საჭიროა ბიტკოინის მოპოვებისთვის და გარემოზე ზემოქმედება.

“შეშფოთებულნი ვართ წიაღისეული საწვავის მზარდი მოხმარებით, ბიტკოინის მოპოვებისა და  ტრანზაქციებისთვის, განსაკუთრებით ქვანახშირის, რომელსაც აქვს ყველაზე მაღალი ემისია, სხვა საწვავთან შედარებით“, ნათქვამია განცხადებაში.

მიუხედავად იმისა, რომ კრიპტოვალუტა არის „კარგი იდეა მრავალმხრივ“, ის „დიდ ზიანს აყენევს გარემოს“, განაცხადა მასკმა.

Coin Metrics-ის თანახმად, ბიტკოინის ფასი გასულ ოთხშაბათს, ტესლას განცხადების შემდეგ, დაახლოებით 13%-ით დაეცა. კრიპტოვალუტის ვებსაიტზე Coindesk–ზე, ბიტკოინის ღირებულება დოლარში, 24–საათიან პერიოდში, ჯერ 46.000$-ზე ოდნავ მეტი დაფიქსირდა, ხოლო შემდეგ 50.000$-ს დაუბრუნდა.

რა კავშირშია ტესლა ბიტკოინთან?

ბიტკოინის ბუმი ტესლამ თებერვალში, 1.5 მილიარდის კრიპტოვალუტაში დაბანდებით გამოიწვია, რომლის მიზანი იყო მომხმარებლებს ელექტრომანქანების ყიდვის შესაძლებლობა ჰქონოდათ კრიპტოვალუტის მეშვეობით.

ფინანსური ანგარიშის მიხედვით, ტესლას ბიტკოინის საბაზრო ღირებულება, მარტის ბოლოსთვის 2.48 მილიარდ დოლარს შეადგენდა. ტესლამ განაცხადა, რომ მის მფლობელობაში არსებული ბიტკოინის გაყიდვას არ აპირებდა.

“ტესლა ბიტკოინის გაყიდვას არ აპირებს. ჩვენ მის გამოყენებას ვგეგმავთ ტრანზაქციებისთვის, როგორც კი მისი მოპოვება გადავა უფრო მდგრადი ენერგიის მოხმარებაზე”, ნათქვამია განცხადებაში. კომპანიამ ასევე შეისწავლა კრიპტოვალუტის სხვა ვარიანტებიც, ბიტკოინის გარემოზე ზემოქმედების გარეშე მოპოვებული.

რა გავლენა აქვს ბიტკოინს გარემოზე?

ბიტკოინი მოიპოვება კომპიუტერებით, რომლებიც ხსნიან რთულ თავსატეხებს. რაც უფრო მეტი ბიტკოინი მოიპოვება, მით უფრო რთულდება თავსატეხები და შესაბამისად, კომპიუტერი მოიხმარს მეტ ენერგიას. 2019 წელს, მიუნხენისა და მასაჩუსეტსის ტექნოლოგიური უნივერსიტეტების კვლევამ აჩვენა, რომ CO2-ის ემისიები ბიტკოინის მთელ ქსელში, 2018 წელს, 22.9 მილიარდი ტონა შეადგინა. ასეთი ტემპით, ნახშირბადის გამოყოფა, რომელიც ბიტკოინთან არის დაკავშირებული, მსგავსია მდიდარი ქვეყნების დიდ ქალაქებში ან მთლიანად, განვითარებადი ქვეყნების, მაგალითად შრი ლანკას გამონაბოლქვის. მასკმა გამოიჩინა ენთუზიაზმი, რომ ელექტრომანქანები, როგორიცაა ტესლას მიერ წარმოებული, ყველასათვის მისაღები გახადოს, რაც მძღოლებს უბიძგებს იმისაკენ, რომ შეცვალონ შიდა წვის ძრავის მქონე მანქანები, რომლებიც ხელს უწყობენ კლიმატის ცვლილებას.

სტატიაზე მუშაობდა : გიორგი შაქარაშვილი და ლედი ბოჟაძე

წყარო : www.ecowatch.com