ამერიკის შეერთებულ შტატებში ბავშვების ჯანმრთელობაზე უარყოფითი გავლენის გამო პესტიციდების გამოყენება აკრძალეს

• გასულ ოთხშაბათს ბაიდენის ადმინისტრაციამ განაცხადა, რომ ქლორპირიფოსის, ყველაზე ხშირად გამოყენებადი პესტიციდის, გამოყენება იკრძალება, რადგან ეს უარყოფითად აისახება ბავშვებისა და ფერმერების ჯანმრთელობაზე.

გასულ ოთხშაბათს ბაიდენის ადმინისტრაციამ განაცხადა, რომ ქლორპირიფოსის, ყველაზე ხშირად გამოყენებადი პესტიციდის, გამოყენება იკრძალება, რადგან ეს უარყოფითად აისახება ბავშვებისა და ფერმერების ჯანმრთელობაზე.

გარკვეული ეჭვების გაჩენის გამო აპრილიდან დაიწყო ამ პესტიციდის ავკარგიანობის შესწავლა. ჯერ კიდევ პრეზიდენტ ობამას მმართველობისს დროს ეს აკრძალვის კანონი ძალაში შევიდა, თუმცა 2017 წელს, ტრამპის გაპრეზიდენტების შემდეგ, კვლავ გაუქმდა.

„დღეს ადამიანების ჯანმრთელობა ჩვენთვის პირველ ადგილზეა, ამიტომ ჩვენ ვუჯერებთ მეცნიერებას და ვაყენებთ უსაფრთხოებასა და ჯანმრთელობას წინა პლანზე,“ – განაცხადა მაიკლ რეგანმა.

ქლორპირიფოსი გამოიყენება მარცვლეულის, ხილის, ბროკოლის დასამუშავებლად. დადასტურდა, რომ ეს პესტიციდი იწვევს ბავშვებში ტვინის დაზიანებას. აკრძალვის კანონი ასევე შემოიღეს კანადაში, კალიფორნიაში, ჰავაიში, ნიუ იორკში, ორეგონში.

ფერმერთა კავშირის პრეზიდენტმა თქვა, რომ მიღებული გადაწყვეტილება დაეხმარება ფერმერებსა და მათ ოჯახებს, რადგან ისინი აღარ იდარდებენ პესტიციდების გავლენაზე მათ სიცოცხლეში.

უახლოეს მომავლში იგეგმება სხვა მსგავსი პესტიციდების შესწავლაც და საჭიროების შემთხვევაში, მათი გამოყენებიდან ამოღებაც.

სტატიაზე მუშაობდა : დეა კუსიანი

წყარო : www.latimes.com