ახალი კვლევის თანახმად, გლობალური ბიომრავალფეროვნების კრიზისი იმაზე მძიმეა, ვიდრე ჩვენ წარმოგვედგინა

• მსოფლიოს 187 ქვეყნის 3331 მეცნიერის მიერ ბიომრავალფეროვნების შესახებ ჩატარებულმა კვლევამ აჩვენა, რომ გადაშენების პირას იმაზე მეტი სახეობაა, ვიდრე ჩვენ ვფიქრობდით.

მსოფლიოს 187 ქვეყნის 3331 მეცნიერის მიერ ბიომრავალფეროვნების შესახებ ჩატარებულმა კვლევამ აჩვენა, რომ გადაშენების პირას იმაზე მეტი სახეობაა, ვიდრე ჩვენ ვფიქრობდით.

კვლევის, რომელიც ჟურნალში „Frontiers in Ecology and the Environment“ გამოქვეყნდა, მიზანი იყო ბიომრავალფეროვნებაში არსებული ცოდნის ნაკლებობის შევსება. კვლევაში მონაწილეობდა 3331 მეცნიერი, რომლებიც მუშაობენ ყველა მთავარ სახეობაზე, საარსებო გარემოსა და ეკოსისტემებზე.

„სახეობების მახასიათებლებისა და ეკოსისტემების შესწავლის საფუძველზე, ექსპერტებმა დაასკვნეს, რომ მათი 30% გლობალურად გადაშენების წინაშეა და ეს საშიშროება ჯერ კიდევ 1500 წლიდან დაიწყო,“ – თქვა ფორესტ იზბელმა, მინესოტის უნივერსიტეტის ბიოლოგიური მეცნიერებების ასოცირებულმა პროფესორმა.

ყველა საჭირო ინფორმაციის მოძიების შედეგად დადასტურდა, რომ ამ ცვლილებების გავლენა ჩვენს ცხოვრებაზე ძალიან მაშტაბური და მძიმე იქნება.

„იქიდან გამომდინარე, რომ ამ დრომდე სახეობების გადაშენება მხოლოდ რეგიონულ ხასიათს ატარებდა და არ იყო განხილული გლობალურად, ეს კვლევა უპრეცენდენტოა, რადგან მსოფლიოს უამრავი ქვეყნის მონაცემებს აჯამებს და აერთიანებს,“ – განაცხადა აკირა მორიმ, კვლევის თანაავტორმა და ტოკიოს უნივეერსიტეტის პროფესორმა.

მეცნიერები თანხმდებიან, რომ ეს კვლევა ქვეყნებს საშუალებას მისცემს, ერთობლივად შეიმუშავონ სამოქმედო გეგმა ჩვენი მომავლის გადარჩენისთვის.

სტატიაზე მუშაობდა : დეა კუსიანი

წყარო : www.ecowatch.com