ჩინეთი ხმაურით დაბინძურების წინააღმდეგ საბრძოლველად ლეგალურ „ზომებს“ ამკაცრებს

• ჩინეთის მთავარმა საკანონმდებლო ორგანომ გადაწყვიტა ხმაურით დაბინძურების პრევენციისა და კონტროლის კანონ- პროექტის არსებული იდეა საკანონმდებლო მუხლად დაამტკიცოს.
• კანონ-პროექტი აფართოებს კანონით რეგულაციის არეალს, ითვალისწინებს ხმაურით დაბინძურების ახალ ტიპებს
• იმ სამშენებლო ობიექტებისთვის, რომლებიც ღამის საათებში აწარმოებენ სამუშაოებს, ჯარიმების გაზრდა მოახდენს მათზე ზეწოლას და ამით ისინი უკეთ გაიაზრებენ ნეგატიური ზეგავლენას, რასაც გარემოზე ახდენენ.

პეკინი, 19 აგვისტო (სინხუა) – ხმაურით დაბინძურების საკითხის გადასაჭრელად, ჩინეთის მთავარმა საკანონმდებლო ორგანომ გადაწყვიტა ხმაურით დაბინძურების პრევენციისა და კონტროლის კანონ- პროექტის არსებული იდეა საკანონმდებლო მუხლად დაამტკიცოს.

კანონ-პროექტის ეს იდეა საკანონმდებლო ორგანოს განსახილველად გადაეცა კვირის დასაწყისში ეროვნული სახალხო კონგრესის მუდმივი კომიტეტის მიმდინარე სხდომაზე.

კანონ-პროექტი აფართოებს კანონით რეგულაციის არეალს, ითვალისწინებს ხმაურით დაბინძურების ახალ ტიპებს, როგორიცაა, მაგალითად, სარკინიგზო მიმოსვლის ხმაური, რადგან პრობლემა იმდენად სერიოზულად არ იდგა მაშინ, როდესაც ეს კანონი პირველად შეიმუშავეს 1997 წელს, როგორც ახლა ჩინეთის ზოგიერთ ქალაქში.

“ურბანული სარკინიგზო ტრანსპორტის ხმაურის პრევენციისა და კონტროლის მექანიზმის კანონში ჩაწერა ხელს შეუწყობს ადგილობრივ მმართველობებს უფრო მეტად გაამახვილონ ყურადღება ამ კონკრეტულ ასპექტზე ურბანული სარკინიგზო ტრანსპორტის დაგეგმვა-მშენებლობის პროცესში და უკეთ გამოიყენონ ხმაურით დაბინძურებისგან დამცავი ტექნიკა საკითხის გადასაჭრელად”,-ამბობს სუი ფუშენგი, მკვლევარი ჩინეთის მეცნიერებათა აკადემიის აკუსტიკის ინსტიტუტი.

რაც შეეხება ხმაურით დამაბინძურებლებს, მათ შორის პოპულარულ ცეკვის ღონისძიებებს საზოგადოებრივ ადგილებში და სამშენებლო სამუშაოებს ღამის საათებში, კანონ-პროექტი ასევე ითვალისწინებს მკაფიო რეგულაციებს და ჯარიმებს მსგავსი ტიპის დარღვევებისთვის.

“კანონ-პროექტი ნათლად განსაზღვრავს პასუხისმგებელ დეპარტამენტებს და სადამსჯელო ღონისძიებებს საზოგადოებრივი საქმიანობის შედეგად წარმოქმნილი ხმაურის დაბინძურების წინააღმდეგ ისეთ ადგილებში, როგორიცაა მოედნები”, – ამბობს საზოგადოებრივი და გარემოს დაცვის საქმეთა ინსტიტუტის დირექტორი მა ჯუნი.

პოლიტიკურ მეცნიერებათა და სამართლის უნივერსიტეტის პროფესორ ვანგ კანფას აზრით, იმ სამშენებლო ობიექტებისთვის, რომლებიც ღამის საათებში აწარმოებენ სამუშაოებს, ჯარიმების გაზრდა მოახდენს მათზე ზეწოლას უკეთ გაიაზრონ ის ნეგატიური ზეგავლენა, რასაც გარემოზე ახდენენ.

კანონ-პროექტში დამატებით თავად შეტანილია ასევე ახალი პუნქტები – ხმაურით დაბინძურების აღმოფხვრა დაბინძურების წყაროსთან, როგორც ერთ-ერთი ყველაზე ეფექტური საშუალება და ხმაურის პრევენცია და კონტროლი დაგეგმარების გზით საგზაო მოძრაობისა და საცხოვრებელი ზონების ჩათვლით.

“ხმაურით დაბინძურება პირდაპირ კავშირშია დაგეგმარებასთან. მეცნიერულ დაგეგმვას შეუძლია მნიშვნელოვნად შეამციროს იგი”, – თქვა ვანგმა და დასძინა, რომ ურბანული დაგეგმარება ხმის დაბინძურების შემცირების მიზნით უნდა განხორციელდეს.

სტატიაზე მუშაობდა : მაია ბურდული და ნატა შველიძე

წყარო : www.bignewsnetwork.com