ტყის ხანძრებისგან გამოწვეულმა კვამლმა მსოფლიოს ისტორიაში პირველად მიაღწია ჩრდილოეთ პოლუსს

• NASA-ს სატელიტურმა სურათებმა აჩვენა, რომ კაცობრიობის ისტორიაში პირველად ციმბირის ტყეებში გაჩენილი ხანძრის კვამლმა ჩრდილოეთ პოლუსს მიაღწია. მეცნიერებმა უკვე აღნიშნეს, რომ ეს მოვლენა დიდ ცვლილებებს გამოიწვევს ჩვენს კლიმატში.
• 2021 წელი გასული ორი ათწლეულის განმავლობაში ხანძრების სიმძაფრით მეორე ადგილს იკავებს. აღსანიშნავია, რომ გვალვისა და მაღალი ტემპერატურის ერთობლიობამმ ხანძრები გააჩინა ევროპასა და ჩრდილოეთ ამერიკაშიც.

NASA-ს სატელიტურმა სურათებმა აჩვენა, რომ კაცობრიობის ისტორიაში პირველად ციმბირის ტყეებში გაჩენილი ხანძრის კვამლმა ჩრდილოეთ პოლუსს მიაღწია. მეცნიერებმა უკვე აღნიშნეს, რომ ეს მოვლენა დიდ ცვლილებებს გამოიწვევს ჩვენს კლიმატში. სატელიტიდან დაკვირვების შედეგად მკვლევრებმა დაადგინეს, რომ იაკუტიაში არსებული ხანძრის შედეგად უკვე წარმოიქმნა 505 მეგატონა ნახშირორჟანგი. მიუხედავად იმისა, რომ ამ რეგიონში, როგორც წესი, ყოველთვის ძალიან დაბალი ტემპერატურა ფიქსირდება, წლევანდელ ზამთარში მაღალი ტემპერატურის რეკორდი დამყარდა.

როგორც მოსკოვის პრესაში აღნიშნეს, ხანძრები გამოწვეული უჩვეულოდ მაღალი ტემპერატურისა და 150-წლიანი გვალვისგან. კვამლით უკვე დაფარულია დასავლეთიდან აღმოსავლეთისკენ 2000, ხოლო ჩრდილოეთიდან სამხრეთისკენ 2500 მილის ტერიტორია. კვამლი შეინიშნება მონღოლეთში, კანადასა და გრენლანდიაშიც.

წელს რუსეთში 14 მილიონი ჰექტარი დაიწვა, რითაც 2021 წელი გასული ორი ათწლეულის განმავლობაში ხანძრების სიმძაფრით მეორე ადგილს იკავებს. აღსანიშნავია, რომ გვალვისა და მაღალი ტემპერატურის ერთობლიობამმ ხანძრები გააჩინა ევროპასა და ჩრდილოეთ ამერიკაშიც. კალიფორნიის ხანძარი უდიდეს ხანძრად დასახელდა ამერიკის შეერთებული შტატების ისტორიაში. კოლუმბიაში კი გაზაფხულის შემდეგ  5800 კვადრატული კილომეტრი ტყე დაიწვა და, საუბედუროდ, ხანძრების სეზონის დასრულებამდე ჯერ კიდევ თვეებია დარჩენილი.

სტატიაზე მუშაობდა : დეა კუსიანი

წყარო : www.ecowatch.com