ბრაზილიის გარემოს დაცვის მინისტრს ხის კონტრაბანდაში ედება ბრალი

ოთხშაბათს პოლიციამ, ბრაზილიაში გარემოს დაცვის მინისტრის, რიკარდო სალესის ქონება გაჩხრიკა ამაზონის ტყიდან ამერიკასა და ევროპაში ხე-ტყის არალეგალური გატანის ბრალდებების ფონზე.

სალესი უძღვებოდა მოლაპარაკებებს აშშ-სა და ბრაზილიას შორის ამაზონის ჯუნგლების, მსოფლიოში ყველაზე დიდი ტროპიკული ტყის დასაცავად, რომელსაც ხე-ტყის დამზადება-გამოყენებით და მიწათმოქმედების მიზნით ტყის დაწვით საფრთხე ემუქრება.

პოლიცია მოქმედებდა უზენაესი სასამართლოს ადვოკატ ალექსანდრე მორაესის დადგენილების მიხედვით. სალესმა ბრასილიაში რეპორტიორებს განუცხადა, რომ მოსამართლის დადგენილება გაუგებრობას ეყრდნობოდა. მან დაიცვა გარემოს სამინისტროს თანამშრომლები და გარემოს მაკონტროლებელი Ibama, რომლებიც, მისი თქმით, კანონის ფარგლებში და სხვა ძალაუფლებებთან შეთანხმებით მოქმედებდნენ.

სასამართლო დოკუმენტებში პოლიციამ განაცხადა, რომ გარემოსდაცვითმა მოხელეებმა უპირატესობა მიანიჭეს მაექსპორტირებელ კომპანიებს და არ იმოქმედეს ხალხის სასარგებლოდ.

განცხადებაში, ასევე ნათქვამია, რომ მმართველი ორგანოები ეძებენ კორუფციის და კონტრაბანდის სავარაუდო სამხილებს. დადგენილება დეტალურად ხსნის ბრაზილიური პოლიციის და ამერიკული მმართველი ორგანოების თანამშომლობას.

ერთ-ერთმა ამერიკულმა საელჩოს წარმომადგენელმა პოლიციას ამაზონის ტყიდან ჯორჯიის შტატში გაგზავნილ ხე-ტყის საბუთებში უკანონობის შესახებ შეატყობინა. ამერიკის სასაზღვრო მმართველებმა ტვირთის გადაგზავნა 2019 წლის დეკემბერსა და 2020 წლის იანვარში შეწყვიტა, როდესაც ამერიკული თევზების და ცოცხალი ბუნების სააგენტო (U.S. Fish and Wildlife Service) ბრაზილიური წარმომადგენლობისგან მეტ ინფორმაციას ითხოვდა.

Ibama-ს წარმომადგენლებმა თავიდან ამერიკულ მმართველ ორგანოებს უთხრეს, რომ ტვირთი არალეგალური იყო, რის შემდეგაც ბრაზილიურმა ორგანიზაციამ წარმომადგენლების განჩინების საპირისპირო გადაწყვეტილება მიიღო. კიდევ ორჯერ სცადეს ტვირთის გაგზავნა დანიასა და ბელგიაში მოუწესრიგებელი საბუთებით – ნათქვამია სასამართლო დოკუმენტებში.

2020 წლის თებერვალში სალესი და lbama-ს ხელმძღვანელი ედუარდო ბიმი ექსპორტზე პასუხისმგებელი კომპანიების წარმომადგენლებს შეხვდნენ. ბიმმა მაშინ ხე-ტყის ექსპორტის რეგულაციები შეამსუბუქა, რამაც ტვირთებზე საპირისპირო ეფექტი იქონია, კომპანიის უმცროსი ანალიტიკოსების საწინააღმდეგოდ.

როიტერსის 2020 წლის მარტის ცნობით, ამერიკის საზღვარზე აღმოჩენილი ტვირთის გარდა ბევრად მეტი ტვირთი, ათასობით ხე ამაზონის ტყიდან საჭირო ნებართვის გარეშე იყო გადაზიდული. სასამართლო დადგენილების მიხედვით, მოსამართლემ ბრძანა, რომ ბიმი და სხვა წარმომადგენლები გამოძიებას დროებით უნდა გადაყენებულიყვნენ. სალესი ამ დადგენილებაში არ შედის. ბიმმა კომენტარი არ გააკეთა.

გარემოს დაცვის მინისტრმა და lbama-მ ასევე მტკიცე უარი განაცხადეს კომენტარის გაკეთებაზე. ფედერალურმა პოლიციამ განაცხადა, რომ გამოძიების და ამოღების 35 განკარგულებას ასრულებდა დედაქალაქ ბრასილიაში და პარასა და სან-პაულოს შტატებში. პოლიციის ოპერაციასთან პირდაპირ დაკავშირებულმა ოთხმა ადამიანმა როიტერთან განაცხადა, რომ სალესი ერთ-ერთი სამიზნეა. გარემოსდაცვითმა მზარდმა გუნდმა და მდგრადობაზე ორიენტირებულმა ინვესტორებმა მოითხოვეს სალესის მინისტრობიდან გადაყენება მისი ძალისხმევების ნაკლებობისთვის, რათა დაებრუნებინა გარემოსდაცვითი უვნებლობის უზრუნველყოფა ქვეყანაში. გასულ წელს მინისტრთა კომიტეტის შეხვედრის ვიდეოჩანაწერში სალესი ამბობდა, რომ სახელმწიფომ უნდა შეამსუბუქოს გარემოსთან დაკავშირებული რეგულაციები, როდესაც საზოგადოება გადართული იყო კოვიდ-19-ზე.

სტატიაზე მუშაობდა : გიორგი შაქარაშვილი და სალომე აბუაშვილი

წყარო : www.reuters.com