ეკომეგობრული ელექტროენეგრია ხვალისთვის
ეფექტური ნახევარგამტარი ტიტანუმის დიოქსიდი (TiO2) გამოიყენება მზის ენერგიის პანელებში, რომელიც არა მხოლოდ ეფექტური, არამედ არატოქსიკური (არამომწამვლელი) და ეკომეგობრული ელემენტია, ვინაიდან მისი ძალიან დიდი მარაგი გვაქვს დედამიწაზე. მეორეს მხრივ, ნიკელის ოქსიდიც (NiO) ნახევარგამტარია, მაღალი ოპტიკური გამჭირვალობით. ასევე, მისი წარმოება შესაძლებელია დაბალ (ინდუსტრიულ) ტემპერატურაზეც. ამ ორი ნივთიერების კომბინაცია გამჭირვალე მზის ენერგიის პანელების შექმნისათვის საოცარი აღმოჩენაა, რომელიცაა ეკომეგობრული და ამავდროულად მისი მოხმარებაც მარტივია.Scietechdaily-ის (ყოველდღიური სამეცნიერო ტექნოლოგიები) მიხედვით, მზის ენერგია ყოველთვის გვაძლევდა იმედს, რომ შეგვექმნა სანდო და საკმარისი ენერგიის რესურსი, ქარის, წყლისა და ტალღების ენერგიასთან ერთად. სწორედ ესაა ბევრი კვლევისა და წარმატების მიზეზი, რომელიც მოიპოვეს მზის ენერგიის ტექნოლოგიების შექმნაში. წლების განმავლობაში, მზის ენერგია გახდა უფრო ხელმისაწვდომი და ეკომეგობრული. ამავდროულად, მას კარგად შეუძლია ულტრაიისფერი სხივების ენერგიის ელექტროენერგიად გარდაქმნა. ამგვარად, უფრო და უფრო მეტი ადამიანი გადაერთო მზის ენერგიით წარმოებული ელექტროენერგიის მოხმარებაზე. ეს გამოიწვია არა მხოლოდ დაბალმა ფასმა, არამედ მის მიერ შეტანილმა წვლილმა ნახშირბადისგან სუფთა ჰაერის შექმნაში.
მზის ენერგია კიდევ უფრო ხელმისაწვდომია
მზის ენერგიით ყოველდღიური სარგებლობა არ აღწევს თავის მაქსიმუმს, შედეგად, ის არ არის გამჭვირვალე, რადგან მისი ენერგიის პანელები მხოლოდ სახურავებსა და დაშორებულ, საზოგადოებისგან მოფარებულ ადგილებში შეგვიძლია ვიხილოთ. ბოლო კვლევები, რომელიც ჩატარდა კორეის ენერგიის რესურსების მკვლევრების მიერ, კიდევ უფრო დაგვაახლოვა პირველ, სრულიად გამჭირვალე მზის ენერგიის პანელებს. იდეა მდგომარეობს იმაში, რომ მისი ინტეგრირების შედეგად, პანელების ჩაყენება შესაძლებელი იქნება ფანჯრებში, შენობებში, მობილურ ტელეფონებშიც კი.
ამის შედეგად, მზის ენერგია უფრო ხელმისაწვდომი გახდება საზოგადოებისთვის. პროფესორი ჯუნდონგ კიმი, ინჩხონის ეროვნული უნივერსიტეტის ელექტრული ინჟინერიის დეპარტამენტიდან, დიდ იმედებს ამყარებს ამ კვლევებზე. გამჭირვალე მზის გამოსხივების, ან სინათლის ენერგიის ელექტროენერგიად გარდაქმნის მოწყობილობისთვის იქნება სხვადასხვა აპლიკაცია ტექნოლოგიებში. ხოლო როდესაც ეს აღმოჩენა გახდება რეალობა, ჩვენ შევძლებთ მზის ენერგიის უფრო მეტი მოწყობილობა გვქონდეს.
მიუხედავად იმისა, რომ ეს არ იყო გამჭირვალე მზის ენერგიის პანელების პირველი აღმოჩენა, პროფესორ კიმის გუნდმა პირველად შეძლო იგი დაეკავშირებინა ჩვეულებრივ, არსებულ მზის ენერგიის პანელებთან. ეს კვლევა იმედის მომცემია, რომელიც შეიძლება წინ უძღოდეს ახალი/ხვალინდელი ელექტროენერგიის რესურსის აღმოჩენას.
სტატიაზე მუშაობდა : სესილი შენგელია და ვალერი გელოვანი