63 გადაშენების პირას მყოფი აფრიკული პინგვინი იღუპება ფუტკრის ნაკბენისგან “Fluke” ტრაგედიაში
- 63 გადაშენების პირას მყოფი აფრიკული პინგვინის იდუმალი სიკვდილის მიზეზი ფუტკრის ნაკბენი აღმოჩნდა.
- ფრინველების სიკვდილის მიზეზების დადგენაზე SANCCOB-ი SANPark– სა და ქალაქ კეიპ თაუნთან ერთად მუშაობს.
- ეს შემთხვევა ძალიან შემაშფოთებელია, რადგან აფრიკული პინგვინები ბუნების დაცვის საერთაშორისო კავშირის (IUCN) მიერ გადაშენების პირას მყოფი არსებების ჩამონათვალში შედიან.
63 გადაშენების პირას მყოფი აფრიკული პინგვინის იდუმალი სიკვდილის მიზეზი ფუტკრის ნაკბენი აღმოჩნდა.
AFP და სამხრეთ აფრიკის ეროვნული პარკების (SANParks) მაგიდის მთის ეროვნული პარკის ფეისბუქ პოსტში ნათქვამია, რომ ფრინველები პარასკევს დილით იპოვეს გარდაცვლილები კეიპ თაუნის (სამხრეთ აფრიკის რესპუბლიკა) მიმდებარედ.
„მკვდარი პინგვინების შემოწმებამ აჩვენა ფუტკრის ნაკბენები პინგვინების თვალების გარშემო“, – სანაპირო ფრინველების დაცვის სამხრეთ აფრიკის ფონდის (SANCCOB) კლინიკურმა ვეტერინარმა, დევიდ რობერტსმა, AFP-ს კვირას განუცხადა. „ეს ძალიან იშვიათი შემთხვევაა, სამწუხარო პრეცედენტი.“
ფრინველების სიკვდილის მიზეზების დადგენაზე SANCCOB-ი SANPark– სა და ქალაქ კეიპ თაუნთან ერთად მუშაობს. ფრინველები აფრიკული პინგვინების კოლონიაში სიმონსტონში ბინადრობდნენ.
„მათი სიკვდილი ხუთშაბათ შუადღის და პარასკევ დილის შუალედში საკმაოდ მოულოდნელი იყო,“ – წერს SANParks-სი.
წინასწარი გამოძიების შედეგად დადგინდა, რომ ფრინველებს ფუტკრების მრავალი ნაკბენი აღენიშნებოდათ და, გარდა ამისა, ინციდენტის ადგილზე მკვდარი ფუტკარიც აღმოაჩინეს. ნაკბენები ფრინველებს ძირითადად თვალების გარშემო და ფრთებზე ჰქონდათ, რომლებიც მათი სხეულის ის ნაწილებია, რომლებიც ბუმბულით არ არის დაფარული. ამის შესახებ SANCCOB’s-ის ექიმმა, კატა ლუდინიამ, BBC News-ს განუცხადა. ერთ -ერთ პინგვინს 27-ჯერ ჰქონდა ნაკბენი.
„თითოეულ პინგვინზე აღმოჩენილი ნაკბენების რაოდენობით თუ ვიმსჯელებთ, ალბათ საკმარისი იქნებოდა სიკვდილის მიზეზი გამხდარიყო ამ ზომის ნებისმიერი ცხოველისთვის,“- განაცხადა ლუდინიამ.
SANParks საზღვაო ბიოლოგმა, დოქტორ ელისონ კოკმა, BBC New-სთან საუბარში განაცხადა, რომ ფრინველების ასეთი ტიპის სიკვდილი ფუტკრების და პინგვინების თანაარსებობისთვის არ იყო დამახასიათებელი.
„როგორც წესი ფუტკრები და პინგვინები მშვიდად თანაარსებობენ,“ განაცხადა დოქტორ ელისონ კოკმა. „ფუტკრები არ იკბინებიან, თუ არ მოხდა მათი პროვოცირება. ჩვენი ვარაუდით, ამ ტერიტორიაზე მობინადრე ფუტკრების ბუდეს ან სკას შეექმნა საფრთხე, რამაც ფუტკრების მასიური გაქცევა გამოიწვია. სამწუხაროდ, აგრესიული ფუტკრები გზად პინგვინების ჯგუფს გადაეყარა.“
ეს შემთხვევა ძალიან შემაშფოთებელია, რადგან აფრიკული პინგვინები ბუნების დაცვის საერთაშორისო კავშირის (IUCN) მიერ გადაშენების პირას მყოფი არსებების ჩამონათვალში შედიან.
BBC News-ის თანახმად, აფრიკული პინგვინები მომცრო ზომის ფრინველები არიან და ძირითადად ბინადრობენ სამხრეთ აფრიკისა და ნამიბიის სანაპიროებსა და კუნძულებზე. IUCN-ის მონაცემებით, ბუნებაში მხოლოდ 41,700 ზრდასრული ფრინველია დარჩენილი და მათი რაოდენობა კიდევ უფრო მცირდება, ძირითადად საკვების უკმარისობის, კლიმატის ცვლილებისა და კომერციული თევზჭერის კონკურენციის გამო.
SANPark–ის ოფიციალურმა წარმომადგენლებმა ასევე გაგზავნეს ახლადდაღუპული ფრინველების ბიოლოგიური ნიმუშები შესამოწმებლად დაავადებებსა და ტოქსიკურ ნივთიერებებზე.
„გვინდა ჩვენი მადლიერება გამოვხატოთ ყველა იმ პარტნიორის მიმართ, განსაკუთრებით SANCCOB-ს და ქალაქ კეიპტაუნს, ამ უჩვეულო შემთხვევის გამოძიებაში გაწეული დახმარებისთვის,“ – დაწერა კოკიმ ფეისბუქზე შაბათს. „დღეის მონაცემებით აფრიკული პინგვინების გარდაცვალების შემთხვევა აღარ დაფიქსირებულა და ჩვენ კვლავ გავაგრძელებთ სიტუაციის მონიტორინგს.“
სტატიაზე მუშაობდა : მაია ბურდული და დეა კუსიანი
წყარო : www.ecowatch.com