ურბანული საფრთხეები

ურბანიზაცია აჩენს ახალ პრობლემებს როგორც ადამიანებისთვის, ისე ცხოველებისთვის

დასაქმების იმედი, სხვა მრავალ ფაქტორთან ერთად, ხელს უწყობს მოსახლეობის ქალაქში ჩამოსვლას. მსოფლიო მოსახლეობის ნახევარი, ქალაქებშია განაწილებული, ამ ტემპის შენარჩუნებით, 2050 წლისთვის, ეს რიცხვი ორ მესამედამდე  გაიზრდება. მაგრამ ამავე დროს, ქალაქებში თავს იჩენს ისეთი მნიშვნელოვანი პრობლემები, როგორებიცაა სიღარიბე და გარემოს დაბინძურება.

ჰაერისა და წყლის ხარისხი, არასაკმარისი წყალი, ნარჩენების პრობლემა და ენერგიის ჭარბად მოხმარება – ეს ის პრობლემებია, რომლებიც ურბანულ სივრცეებში, მოსახლების ზრდასთან ერთად მწვავდება. მნიშვნელოვანია, ქალაქების სწორი დაგეგმარება და  მოცემულ საკითხებზე ფოკუსირება,  რადგან აღნიშნული პრობლემების მასშტაბი, სულ უფრო იზრდება.

საფრთხეები:

• ურბანულ სივრცეებში მოსახლების ინტენსიურმა ზრდამ, შესაძლოა გამოიწვიოს სწრაფი გაღარიბება, რადგან ლოკალური მთავრობები ვერ მოახერხებენ ხალხის საჭირო სერვისებით უზრუნველყოფას.
• ენერგიის ჭარბად მოხმარება ჰაერის დაბინძურებას ზრდის, რაც ადამიანის ჯანმრთელობას აზიანებს.
• ავტომობილების გამონაბოლქვი ზრდის ტყვიის კონცენტრაციას ჰაერში.
• დიდი რაოდენობით დაგროვილი ნარჩენები, რომელიც ნაგავსაყრელზე არ ხვდება, ქმნის საფრთხეს ჯანმრთელობისთვის.
• ურბანული სივრცეების არასწორი დაგეგმარება, ქმნის წყალდიდობის საშიშროებას.
• ჰაერის დაბინძურება და ფიზიკური ბარიერები, ურბანულ მწვანე საფარს გაზრდაში უშლის ხელს.
• ქალაქში მცხოვრები ცხოველები, აწყდებიან მოწამვლის, სამანქანო გზების, თავშესაფრისა და საკვების პრობლემებს, რომლებიც ხშირად მათი დაღუპვის მიზეზია.

გადაწყვეტები

• სიღარიბესთან ბრძოლისთვის უნდა წახალისდეს ეკონომიკა და შეიქმნას სამუშაო ადგილები.
• ლოკალური მოსახლეობა უნდა ჩაერთოს მმართველობის პროცესში.
• ალტერნატიული ენერგიის წყაროების ძიებით და ადგილობრივი სატრანსპორტო სისტემის ჩანაცვლებით, უნდა მოგვარდეს ჰაერის დაბინძურების პრობლემა.
• უნდა დაინერგოს კერძო და საჯარო სერვისები, რომლებიც ნარჩენების მოგვარების გზებს შესთავაზებენ მოქალაქეებს.
• ხეების დარგვით და ურბანული დაგეგმარების დროს მწვანე საფარის პრიორიტეტულობით, ხელი უნდა შეეწყოს დაბინძურებული ჰაერის დასუფთავებას.

სტატიაზე მუშაობდა : შაკო ღლონტი და ანა კუხაშვილი

წყარო : https://www.nationalgeographic.com/environment/article/urban-threats?fbclid=IwAR3lQ31rpTiZCflrsxcnZXf77dj8cJtyt9N5Q2Fp_0P1YbMRciX4muUnIz4