შეუძლია თუ არა სოკოებით მოპირკეთებას ჰაერის დაბინძურებისგან გვიხსნას?
- სოკოებით მოპირკეთებულმა შენობებმა, შესაძლოა, დაბინძურება შეამცირონ.
- შენობების გარედან დაფიქსირებული სოკო იშლება და შთანთქავს ნახშირწყალბადების 80%-ს, რომელსაც საკვებად გარდაქმნის.
- ლონდონში, ბრუნელის უნივერსიტეტის დიზაინის სტუდენტი ავითარებს გარე კედლის იმ ფილების ახალ სისტემას, რომლებიც სოკოს იყენებენ.
შესაძლოა, სოკოებით მოპირკეთებულმა კედლებმა დაბინძურებული ჰაერი შთანთქას და ქალაქებში ატმოსფერო გაასუფთავოს.
ლონდონში, ბრუნელის უნივერსიტეტის დიზაინის სტუდენტი ავითარებს გარე კედლის ფილების ახალ სისტემას, რომელსაც, მისი აზრით, შეუძლია ჰაერიდან სახიფათო ნახშირწყალბადების მოშორება, რაც მანქანების გამონაბოლქვისა და წიაღისეულის წვის ზემოქმედებას შეამცირებს.
Modular Myco-Hex არის ფიჭის საფენი, რომელიც სავსეა მშთანმთქმელი ნაზავით. ეს ნაზავი შედგება ნარჩენი ნახერხისა და სოკოს სპორებისგან, რომელიც მიიღება მიცელიუმისგან. ეს არის სოკოს მიწისქვეშა ნაწილი, რომელსაც ადამიანების უმეტესობა ვერასოდეს ხედავს. შენობების გარედან დაფიქსირებული სოკო იშლება და შთანთქავს ნახშირწყალბადების 80%-ს, რომელსაც შემდეგ საკვებად გარდაქმნის და ზრდისთვის იყენებს.
თომას სოლტის შემოქმედებას, რომელიც Netflix-ის დოკუმენტური ფილმით, Fantastic Fungi-თ, იყო შთაგონებული, შეუძლია მნიშვნელოვანი გავლენა მოახდინოს ქალაქებში ჰაერის ხარისხსა და ადამიანების ჯანმრთელობაზე. ნახშირწყალბადები ცნობილი კანცეროგენებია, რომლებიც არღვევენ ადამიანის კანის ბუნებრივი დეტოქსიკაციის უნარს. ამან შეიძლება გამოიწვიოს დაავადებები, დაწყებული აკნედან და ფსორიაზიდან, დამთავრებული კიბოთი.
„Myco-Hex ფილები ბიომიმიკრიის შესანიშნავი მაგალითია“, – თქვა ბრუნელის დიზაინის სკოლის ლექტორმა, აიკა დუნდარმა. „ის იყენებს ბუნებას გლობალური პრობლემის გადასაჭრელად, რაც ამასთანავე სრულიად მდგრადი და განახლებადია.
ამდენი წლის განმავლობაში ადამიანები მუშაობდნენ ბუნების წინააღმდეგ და ნელ-ნელა ანადგურებდნენ მას”, – დასძინა სოლტმა, – „ბუნების წინააღმდეგ მუშაობის ნაცვლად, ჩვენ უნდა შევხედოთ ბუნებას და დავინახოთ, რომ ის ჩვენი ეკოლოგიური პრობლემების პასუხებს შეიცავს“.
სტატიაზე მუშაობდა : ანა ქავთარაძე და გიგი ჭითანავა
წყარო : airqualitynews.com