შანხაი სიცხის საუკუნოვან რეკორდს ხსნის

• ისტორიული დღეა! სამხრეთ ჩინეთს მაისში სიცხის ყველაზე ძლიერმა ტალღამ დაარტყა.

• ჩრდილო-აღმოსავლეთ სიჩუანის პროვინციაში ათასობით მოსახლე ევაკუირდა ძლიერი წვიმის გამო.

• გაერთიანებული ერების ორგანიზაციის თანახმად, სავარაუდოა, რომ 2027 წლამდე ეს იქნება ყველაზე ცხელი ხუთწლიანი პერიოდი, რომელიც მსოფლიო მასშტაბით დაფიქსირებულა.

ჩინეთში, კერძოდ, შანხაიში ყველაზე ცხელი დღე დაფიქსირდა მაისში. ტემპერატურამ 97 გრადუს ფარენჰაიტს მიაღწია. წინა რეკორდი, 96,26 გრადუსი ფარენჰაიტი, პირველად 1876 წელს, ხოლო ბოლოს 2018 წელს დააფიქსირა შანხაის მეტეოროლოგიურმა ბიურომ. „ისტორიული დღეა! სამხრეთ ჩინეთს მაისში სიცხის ყველაზე ძლიერმა ტალღამ დაარტყა. 200-ზე მეტმა სადგურმა მოხსნა ან გაიმეორა მაისის რეკორდი და მინიმუმ 10-მა სადგურმა დაამყარა ყველაზე მაღალი რეკორდი ისტორიაში. სიცხე გაგრძელდება და იუნანში ტემპერატურა ახალ მაქსიმუმს მიაღწევს“, — წერს ტვიტერზე ჯიმ იუანი, ჩინეთის მეტეოროლოგიური ასოციაციის მკვლევარი.

ყველაზე ცხელი თვეები ჯერ კიდევ წინაა. მოსალოდნელია ექსტრემალურად ცხელი ამინდი სამხრეთ ჩინეთის რამდენიმე პროვინციაში იმ ფონზე, რომ სინოპტიკოსები მორიგ მხუთვარე ზაფხულს პროგნოზირებენ.

„ლამის მზის დარტყმა მივიღე. ისე ცხელა, შეიძლება, აფეთქდე“, — იწერება Weibo-ზე შანხაიდან, როგორც Phys.org-ი იტყობინება.

ადგილობრივი მედიის ცნობით, სამხრეთ-დასავლეთ ჩინეთში, სიჩუანის გარკვეული ნაწილი გააფრთხილეს მოსალოდნელი მაღალი ტემპერატურის შესახებ, რადგან ტემპერატურამ 107,6 გრადუს ფარენჰაიტს მიაღწია, – იტყობინება Reuters -ი.

სამხრეთ-ჩინეთის უმეტეს ნაწილში ტემპერატურას 95 გრადუს ფარენჰაიტზე მაღალს ვარაუდობდნენ, ზოგიერთ რეგიონში – 98,6-102,2 გრადუს ფარენჰაიტს.

ქვეყნის რამდენიმე პროვინციაში კოკისპირული წვიმებია მოსალოდნელი. ეს ექსტრემალური ამინდისთვის უცხო არ არის. ადგილობრივი სამაშველო სამსახურების ცნობით, ჩრდილო-აღმოსავლეთ სიჩუანის პროვინციაში ათასობით მოსახლე ევაკუირდა ძლიერი წვიმის გამო.

დატბორვის საშიშროება არსებობდა ჩონცინგშიც, სადაც მოსალოდნელი იყო, რომ მდინარე ჯიალინგში წყლის დონე დაახლოებით 19,69 ფუტამდე გაიზრდებოდა.

როგორც მეცნიერები ამბობენ, ექსტრემალური ამინდის მოვლენები მთელ მსოფლიოში კლიმატის ცვლილებამ გაამწვავა. ეს მათი ვარაუდით გაგრძელდება. როგორც Times of India იტყობინება, გაერთიანებული ერების ორგანიზაციის თანახმად, სავარაუდოა, რომ 2027 წლამდე ეს იქნება ყველაზე ცხელი ხუთწლიანი პერიოდი, რომელიც მსოფლიო მასშტაბით დაფიქსირებულა.

გასულ წელს შანხაიში 50-ზე მეტ დღეს ტემპერატურა 95 გრადუს ფარენჰაიტს აღემატებოდა, – იტყობინება CNN-ი. ,,ეს ეკოლოგიური პრობლემაა! სამყარო უფრო და უფრო ცხელდება. მე მაქვს განცდა, რომ ზაფხული ყოველწლიურად უფრო ცხელი ხდება“, — განუცხადა შანხაის მცხოვრებმა Agence France-Presse-ს, Times of India-ს ცნობით.

სტატიაზე მუშაობდა: თაკო ოზბეტელაშვილი

წყარო: ecowatch.com

8 დეკემბერი 2023 წელი