რეკრეაციული ზონები ბავშვების ფილტვების ფუნქციონირებას აუმჯობესებს

• ბავშვებს, რომლებიც დაბადებიდან 10 წლამდე პერიოდში გადავიდნენ საცხოვრებლად მწვანე გარემოში, ან მათ საცხოვრებელ ადგილთან გაშენდა რეკრეაციული ზონა, ფილტვები უკეთ უფუნქციონირებდათ
• კვლევამ აჩვენა, რომ გამწვანებულ ტერიტორიებთან ახლოს ცხოვრება დადებითად აისახება ბავშვების ქცევასა და ჯანმრთელობაზე, ხელს უწყობს უფრო აქტიურ ცხოვრების წესს და აუმჯობესებს ძილის რეჟიმს

ახალმა კვლევამ გამოავლინა კავშირი 10 წლამდე ბავშვის ფილტვების ჯანმრთელობასა და რეკრეაციული ზონის სახლთან სიახლოვეს შორის, ჰაერის დაბალი ხარისხი გათვალისწინებით.

ბავშვებს, რომლებიც მწვანე სივრცეებთან ახლოს ცხოვრობენ, უფრო ჯანმრთელი ფილტვები აქვთ, ვიდრე რეკრეაციული ზონებიდან მოშორებით მაცხოვრებლებს. მოხსენების თანახმად, კვლევაში პორტუგალიის ქალაქ პორტოში მცხოვრები 3270-ზე მეტი ბავშვი მონაწილეობდა.

„ჩვენ გავითვალისწინეთ ისეთი ფაქტორები, როგორებიცაა ფიზიკური აქტივობა და ჰაერის დაბინძურება, მაგრამ კავშირი ფილტვების ფუნქციონირებასა და მწვანე სივრცესთან ახლოს ცხოვრებას შორის არ იცვლებოდა“, – თქვა კვლევის წამყვანმა ავტორმა დოქტორ დიოგო კეიროზ ალმეიდმა.

”ასევე უნდა გავითვალისწინოთ ის ფაქტი, რომ ბუნებასთან დაახლოება ამცირებს სტრესს, რამაც შეიძლება გააუმჯობესოს ფიზიკური ჯანმრთელობა, ან შეიძლება დადებითად იმოქმედოს ბავშვთა მიკრობიომზე – სხვადასხვა ბაქტერიის საზოგადოებაზე, რომელიც ჩვენს სხეულში ცხოვრობს“.

კვლევაზე პასუხისმგებელმა ჯგუფებმა ხაზი გაუსვეს ოჯახების სარეკრეაციო სივრცეებში ხშირი გადაადგილების მნიშვნელობას და ასევე იმას, თუ რამდენად მნიშვნელოვანია ხელისუფლების მხარდაჭერა ქალაქებში მსგავსი სარეკრეაციო ზონების შესაქმნელად.

კვლევაში მონაწილეობის მისაღებად ბავშვებმა გაიარეს ტესტი. მკვლევრებმა გაზომეს ჰაერის მაქსიმალური რაოდენობა, რომლის ამოსუნთქვაც შეუძლია ინდივიდს ღრმა ამოსუნთქვის შემდეგ. ბავშვებს, რომლებიც დაბადებიდან 10 წლამდე პერიოდში გადავიდნენ საცხოვრებლად მწვანე გარემოში, ან მათ საცხოვრებელ ადგილთან გაშენდა რეკრეაციული ზონა, ფილტვები უკეთ უფუნქციონირებდათ. ეს კი იმაზე მეტყველებს, რომ გამწვანებულ ადგილთან დაბადებაზე მეტად მნიშველოვანი რეკრეაციულ ზონასთან ახლოს გაზრდაა.

ბარსელონას გლობალური ჯანმრთელობის ინსტიტუტის (ISGlobal) ბოლოდროინდელმა კვლევამ აჩვენა, რომ გამწვანებულ ტერიტორიასთან ახლოს ცხოვრება დადებითად აისახება ბავშვების ქცევასა და ჯანმრთელობაზე, ხელს უწყობს უფრო აქტიურ ცხოვრების წესს და აუმჯობესებს ძილის რეჟიმს.

სტატიაზე მუშაობდა : ქეთო გობრონიძე და ანუკი კვეკვესქირი

წყარო : airqualitynews.com