რატომ არის ხორცპროდუქტების მიღების შემცირება ეკოლოგიური პრობლემების გადასაჭრელად საჭირო?
დღესდღეობით ადამიანები და მსხვილფეხა საქონელი ძუძუმწოვრების 96%-ს შეადგენენ!
მიუხედავად იმისა, რომ ცხოველური პროდუქტების აბსოლუტურ უმრავლესობას ვიყენებთ საკვებად, ხორცი და რძის ნაწარმი დღიური კალორიების მხოლოდ 18%-სა და ცილების მესამედს შეადგენს.
ცხოველთა გადაშენების გარდა, კვების მრეწველობა კიდევ უფრო ამწვავებს სუფთა წყლის რესურსების არარაციონალურად ხარჯვის პრობლემას.
მეტი თვალსაჩინოებისთვის, აშშ-ის თითოეულმა მოქალაქემ კვირაში მხოლოდ ერთი ვეგეტარიანული კერძი რომ მიირთვას, ეს წლიურად 136 ტრილიონ ლიტრ წყალს დაზოგავდა.
რომელი მცენარეული საკვებით შეგვიძლია ხორცპროდუქტების ჩანაცვლება?
1.ბადრიჯანი.
ამ ბოსტნეულში უხვად არის ვიტამინები C, K და B6, მაგნიუმი, ფოსფორი და ორგანიზმისთვის საჭირო მსგავსი ნივთიერებები.
2.ლობიო და პარკოსანი მცენარეები
პარკოსანი მცენარეები გამოირჩევა ცილა პროტეინის, რკინის, კალციუმისა და კალიუმის მაღალი შემცველობით.
3.ყვავილოვანი კომბოსტო
ყვავილოვანი კომბოსტო მდიდარია ისეთი ანტიოქსიდანტებითა და ფიტოელემენტებით, რომლებიც ორგანიზმში სიმსივნურ უჯრედებს ებრძვის. ასევე იგი შეიცავს სულფორაფანს, რომელიც გოგირდოვანი ნივთიერებებით მდიდარი ნაერთია და ქოლინს, B ჯგუფის ვიტამინს, რომელიც აუმჯობესებს ადამიანის მეხსიერებას.