პირველ არხში გაიმართა ექვსი უბნის მოსახლეობასთან შეხვედრა

მოხალისეობრივი მოძრაობა „ჩემი ქალაქი მკლავს“ ყოველთვის დგას ჩვენი ქვეყნის მოსახლეობის გვერდით. ამის ერთ-ერთი დამადასტურებელი კიდევ ერთი ქმედება იყო დღეს, 27 ივნისს, კერძოდ კი გაიმართა შეხვედრა ექვსი უბნის მოსახლეობასთან ერთად პირველი არხში. მოგეხსენებათ, რომ ეს ქუჩები გაერთიანდნენ საერთო მიზნის მისაღწევად. შეხვედრას ესწრებოდნენ შემდეგი უბნების მოსახლეობა: მუხიანი – გობრონიძის ქუჩა;  საბურთალო – ზალდასტანიშვილების ქუჩა; დიღმის მასივი – ევგენი მიქელაძის ქუჩა; მთაწმინდა – 8 მარტის ქუჩა; ფონიჭალა – ქვემო ფონიჭალის ქუჩა; . აღნიშნული უბნების მოსახლეობა აპროტესტებს იმ მშენებლობებს, რომლებიც მიმდინარეობს მათი სახლების მიმდებარედ. ზოგი უკვე წლებია აპროტესტებს, ზოგიც კი რამდენიმე თვე. რა თქმა უნდა მოძრაობა „ჩემი ქალაქი მკლავს“ მათ გვერდით დგას.

27 ივლისს გამართულ შეხვედრაზე თითოეული უბნის წარმომადგენელმა ისაუბრა იმ პრობლემებზე, რის წინაშედაც ისინი დგანან მშენებლობათა გამო, ასევე იმაზეც ისაუბრეს თუ სახელმწიფოს მხრიდან რა წინააღმდეგობები მიმდინარეობს მათი მიმართულებით. პირველი არხის მხრიდან მოხდება ყველა უბანში ინდივიდუალურად ადგილზე მისვლა, არსებული სიტუაციის ნახვა და მათი გადაღება, შემდეგ კი გადაცემა „რეალური სივრცე • 1tv.ge“-ში გავა სიუჟეტი აღნიშნულ თემაზე. გარდა იმ გადაღებული ადგილებისა, რაც მანამდე განხორციელდება, ასევე მოხდება პირდაპირ ეთერში საუბარი ამ ექვსი უბნის პრობლემებზე და მათი მოგვარების თაობაზე.

„ჩემი ქალაქი მკლავს“-ისა და მოსახლეობის განმარტებით, მნიშვნელოვანია, რომ მეტმა ადამიანმა გაიგოს ექვსი უბნის გაერთიანების შესახებ, რათა პრობლემები ერთად მოაგვარონ და გადარჩეს ჩვენი დედაქალაქი.

სტატიაზე მუშაობდა : თამარ ყვავაძე