ფრანგული სტარტაპი ადამიანის თმების გადამუშავებით, ოკეანეებს ჩაღვრილი ნავთობისგან გაასუფთავებს

საფრანგეთში საპარიკმახერო სალონები ყოველწლიურად დაახლოებით 4000 ტონა თმის ნარჩენს გამოიმუშავებენ. შეიძლება ამ ერთი შეხედვით გამოუსადეგარი ნარჩენის გადამუშავებამ გადაარჩინოს პლანეტა?

ჯეიმს ტეილორი, ფრანგული სტარტაპის Capillum-ის თანადამფუძნებელი, ამტკიცებს რომ შეიძლება. ინოვაციური ტექნოლოგიის წყალობით, რომელიც იყენებს მოჭრილ თმაში არსებულ კერატინს. ის აღნიშნავს: ”ჩვენ გადავამუშავებთ ნარჩენ თმას. ადამიანის თმა შეიცავს კერატინს, პროტეინს, რომელიც შთანთქავს ცხიმს და შესაბამისად შეიძლება გამოყენებულ იქნას გარემოს გასაწმენდად. თმის გადამუშავებით ჩვენ ასევე ვცდილობთ ნარჩენების შემცირებასაც.

”კერატინს ასევე შეუძლია შეცვალოს პლასტმასა სოფლის მეურნეობასა და მებაღეობაში, გარდა ამისა, დაეხმაროს კანის სხვდასხვა დაავადებების განკურნებაში.”

კომპანია თანამშრომლობს 200 თმის სალონთან საფრანგეთში, რომლებიც აგზავნიან თმის ნარჩენებს წყლისა და ნიადაგის გაწმენდასთან, სოფლის მეურნეობასა და კანის მოვლასთან დაკავშირებული კვლევითი სამუშაოებისთვის.

ჯეიმს ტეილორის სიტყვებით: ”თმა ბუნებრივი მშთანთქმელია და შეუძლია საკუთარ წონაზე რვაჯერ მეტი ცხიმის ან ნახშირწყალბადის შთანთქმა. სწორედ აღნიშნული მიზეზის გამო, ჩვენ ვაგროვებთ თმას, რომელიც ოკეანეებში ჩაღვრილი ნავთობისგან გასაწმენდადაც კი შეიძლება გამოვიყენოთ.“

”მსგავსი ჩაღვრებისგან ოკანეების გასაწმენდად სისტემატიურად გამოიყენება სინთეტური მშთანთქმელები. თმას შეუძლია იგივე გააკეთოს ბუნებრივი გზით. თმა განსაკუთრებული რესურსია.”

ცოტა ხნის წინ კომპანიამ დაასრულა თმის შეგროვება მავრიკში, აგვისტოში კუნძულთან მდებარე მარჯნის რიფზე დაღვრილი ნავთობისგან გასუფთავებაში, ადგილობრივი ხელისუფლებისა და ორგანიზაციების დახმარების მიზნით.

ოქტომბერში კომპანიამ თმის უფასოდ შეჭრა შესთავაზა ვერსალის სასახლეში მომუშავე ყველა თანამშრომელს: „ ყოველწლიურად დიდი რაოდენობის თმის ნარჩენი ხვდება ნაგვის ურნაში და მისი გამოყენება გარემოს სასარგებლოდ ნამდვილად შესანიშნავი გადაწყვეტილებაა.“

წყარო :  energynews.ge