მშრალი ჭრის აკრძალვა ავსტრალიის მთავრობის მიერ, როგორც მუშებისთვის ზიანის შემცირების მცდელობის ნაწილი
სილიციუმის დიოქსიდის, რომელიც გამოყოფს პოტენციურად მავნე ნივთიერებას, შემცველი მასალის უკონტროლო მშრალი ჭრა, რომელმაც შეიძლება გამოიწვიოს ფილტვის კიბო, აიკრძალება ავსტრალიაში ამ წლის ბოლოს.
ავსტრალიის მთავრობა დანერგავს ეროვნულად აკრედიტირებულ სილიციუმის მტვრის ცნობიერების ამაღლების ტრენინგს მუშებისთვის, უკვე არსებული სქემის მსგავსს, რომელიც მოითხოვს სამშენებლო ინდუსტრიის მუშაკების აზბესტის შესახებ ცნობიერების ამაღლების სავალდებულო ტრენინგს.
რეგულაციების მეორე ნაკრები, რომელიც მოითხოვს ჰაერის მონიტორინგსა და ჯანმრთელობის მონიტორინგს, მოგვიანებით დაინერგება, რათა სამუშაო ადგილები არ აღემატებოდეს სილიციუმის მტვრის ექსპოზიციის ზღვარს.
ჭრის აკრძალვა შეეხება საინჟინრო ქვას, ბუნებრივ ქვას, რომელიც შეიცავს სილიციუმს, ასევე ბეტონს, ცემენტსა და აგურს.
“კრისტალური სილიციუმი ჯანმრთელობისთვის ყველაზე საშიშია, როდესაც მტვერი წარმოიქმნება, ხვდება ჰაერში და ისუნთქება მუშების მიერ. ექსპოზიციის რისკი იზრდება ელექტრო ხელსაწყოების უკონტროლო მშრალი ჭრით”, – ნათქვამია პარასკევს ავსტრალიის მთავრობის მიერ გამოქვეყნებულ სილიციუმის მტვრის სამოქმედო გეგმაში.
მუშებმა 2023 წლის პირველ ივლისამდე უნდა გაიარონ ცნობიერების ამაღლების სავალდებულო ტრენინგი, ხოლო სუფთა ჰაერის მონიტორინგი და ჯანმრთელობის შემოწმება სავალდებულო იქნება 2023 წლის 1-ლი იანვრიდან.
მშენებლობის, სატყეო მეურნეობის, სამთო და ენერგეტიკის გაერთიანების ფილიალის სამშენებლო მდივანი, ზაქარი სმიტი, მიესალმა ცვლილებებს, მაგრამ შენიშნა, რომ მთელ სამშენებლო ინდუსტრიას მოუწევდა შეზღუდვების სერიოზულად აღქმა.
„სილიკოზი კლავს მუშებს და ინდუსტრია ძალიან ნელია ექსპოზიციის შეჩერებაში,” – თქვა მისტერ სმიტმა.
„სილიკოზი საშინელი დაავადებაა, რომელიც ანადგურებს ფილტვებს შოკისმომგვრელი მაღალი სიკვდილიანობის მაჩვენებლით. ჩვენ გვჭირდება, რომ მთელი ინდუსტრია ერთად ავამოქმედოთ ამ მომაკვდინებელი ნივთიერებით გამოწვეული რისკის შესამცირებლად“.
სტატიაზე მუშაობდა : ალექსანდრე ფიფია და გიგი ჭითანავა
წყარო : www.canberratimes.com.au
9 იანვარი 2023 წელი.
პუბლიკაცია მომზადებულია ორგანიზაციის „მწვანე პოლუსის და ჩემი ქალაქი მკლავს“ ორგანიზაციის მიერ, საქართველოს სტრატეგიული კვლევებისა და განვითარების ცენტრის (CSRDG) მხარდაჭერით, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში.
პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). პროექტს აფინანსებს ევროკავშირი და კონრად ადენაუერის ფონდი (KAS).
პუბლიკაციის შინაარსზე პასუხისმგებელია „მწვანე პოლუსის და ჩემი ქალაქი მკლავს“ და შესაძლოა იგი არ გამოხატავდეს ევროკავშირის, სხვა დონორებისა და კონსორციუმის პარტნიორების შეხედულებებს.