მეტროს 20-მდე მემანქანეა ინფიცირებული, მუშაობას განვაგრძობთ – სატრანსპორტო კომპანია
“თბილისის სატრანსპორტო კომპანიიის” განცხადებით, დღევანდელი, 25 ნოემბრის მონაცემებით მეტროს 20-მდე მემანქანეა ინფიცირებული. მათივე განცხადებით, კომპანია დამოუკიდებლად რაიმე შეზღუდვების დაწესებას არ გეგმავს და სრული დატვირთვით მუშაობას აგრძელებს.
სატრანსპროტო კომპანიაში ამბობენ, რომ ინფიცირებლი მემანქანეები მკურნალობას გადიან, ჯამში კი მეტროს 250 მემანქანე ჰყავს, ამიტომ მუშაობაში რაიმე შეფერხება არ იქნება.
შეგახსენებთ, რომ თბილისის სატრანსპორტო კომპანიის დამოუკიდებელი პროფესიული კავშირის “ერთობა 2013-ის” განცხადებით
“ეხლა არსებული სიტუაცია კი ურთულესია, მეტროს მემანქანეების და სხვა პოზიციებზე დასაქმებული თანამშრომლების დიდი ნაწილი ინფიცირებულია. ეს იმ დროს, როდესაც საკოორდინაციო საბჭოს რეკომენდაცია, რომელიც ყოველდღიურ რეჟიმში ტელევიზიით გადაიცემა, რაც დამსაქმებელს მოუწოდებს რომ თანამშრომლის ინფიცირების დადასტურების შემთხვევაში, მოიძიოს მისი კონტაქტები და გადაიყვანოს თვითიზოლიაციაში. მეტროს შემთხვევაში კი ეს ხშირად არ ხორციელდებოდა. რამაც გამოიღო შედეგი და როგორც ავღნიშნეთ თანამშრომლების დიდი რაოდენობა დაინფიცირებულია, რომლებმაც თავის მხრივ დააინფიცირეს ოჯახის წევრები და არამარტო”, – წერს პროფკავშირები.
პროფკავშირები შექმნილ ვითარებაზე სრულ პასუხისმგებლობას სატრანსპორტო კომპანიის გენერალურ დირექტორსა და მენეჯმენტს აკისრებს. ორგანიზაციაში აცხადებენ, რომ საჭიროა სასწრაფოდ მკაცრი შეზღუდვები დაწესდეს, მათ შორის რამდენიმე ხნით შეჩერებაც, რადგან ვირუსი უკონტროლოდ ვრცელდება.