კამპანია „არაქვაჭრას“ 1-ელი სამუშაო შეხვედრა
29 აპრილს მოძრაობამ „ჩემი ქალაქი მკლავს“ გამართა კამპანია „არაქვაჭრას“ პირველი სამუშაო შეხვედრა თემაზე „ქვის დამუშავების პრობლემები – საუკეთესო პრაქტიკის მიმოხილვა“. ვორქშოფს უძღვებოდა ირაკლი კვერნაძე, შრომის უსაფრთხოების სპეციალისტი, რომელმაც ისაუბრა ქვის მშრალი მეთოდით დამუშავების საფრთხეებზე, ალტერნატიულ მეთოდებსა და იმ ვალდებულებებზე, რომლებიც დაკისრებული აქვს დამსაქმებელ ორგანიზაციას,ორგანული კანონის მიხედვით, საკუთარი თანამშრომლების ჯანმრთელობის მდგომარეობის დასაცავად.
სამუშაო შეხვედრას ესწრებოდნენ სხვადასხვა სამშენებლო კომპანიის წარმომადგენლები და შრომის უსაფრთხოების სპეციალისტები. ვორქშოფში ასევე მონაწილეობა მიიღეს ქვაზე მომუშავე იმ ხელოსნებმა, რომლებსაც მოძრაობის „ჩემი ქალაქი მკლავს“ მიერ განხორციელებული პროექტის ფარგლებში უფასო სამედიცინო კვლევები ჩაუტარდათ.ხელოსნებისთვის ჩატარებული გამოკვლევებით შეფასდა მათი ჯანმრთელობის მდგომარეობა ხელოვნური ქვის მტვერთან კავშირში. 10 პირიდან 3-თან გამოვლინდა ჯანმრთელობის გარკვეული პრობლემები.
პროექტი ხორციელდება საქართველოს სტრატეგიული კვლევებისა და განვითარების ცენტრისა და European Union in Georgia-ს მხარდაჭერით.
სტატიაზე მუშაობდა : მეგი რუსია