ისლანდია ნახშირბადის დიოქსიდს იღებს ჰაერიდან და გარდაქმნის მას კლდოვან ფენად
გლობალური დათბობის წინააღმდეგ ბრძოლის ყველაზე ძვირადღირებული და რადიკალური მეთოდი ისლანდიაში გამოიყენება. ქვეყნის სამხრეთ-დასავლეთით მდებარე უკაცრიელ ტერიტორიაზე მომუშავე ადამიანები უზარმაზარ სავენტილაციო სისტემას ამონტაჟებენ, რომელიც ჰაერიდან ნახშირორჟანგს შთანთქავს და შემდეგ მიწის სიღრმეში კლდოვან ფენად გარდაქმნის.
კლიმატის ცვლილებებთან საბრძოლველად საინჟინრო გადაწყვეტილებების გამოყენება საკმაოდ პოპულარული ხდება 2021 წელს და უფრო მეტ და მეტ ინვესტიციას იზიდავს, რადგან ისეთი კომპანიები, როგორიცაა Microsoft, ასევე ჩინეთის, შეერთებული შტატების და ევროკავშირის ლიდერები აქტიურად მუშაობენ „ნულოვანი გამონაბოლქვის“ მისაღწევად გრძელვადიან გეგმებზე.
შემცირებული ემისიები
ამ ეტაპზე კომპანია ამონტაჟებს კიდევ ნახშირბადის რვა კოლექტორს – თითოეული მათგანი საზღვაო კონტეინერის ზომისაა – უკვე არსებული ქარხნის გაფართოების მიზნით, რომელიც წელიწადში 50 ტონა ნახშირორჟანგს ინახავს ნიადაგში. ახალი კოლექტორების დამატებით, ქარხნის წარმადობა 4000 ტონამდე გაიზრდება.
ვენტილატორები შეიწოვენ ჰაერს, ხოლო სპეციალიზებული ფილტრები ნახშირორჟანგს გამოდევნიან ჰაერის ნაკადებიდან. Carbfix აერთიანებს ნახშირბადს წყალთან და ქმნის მსუბუქ მჟავას, რომელიც შემდეგ 800-დან 2000 მეტრამდე მიწისქვეშ იტუმბება ბაზალტის კლდეში. 2 წლის განმავლობაში, ნახშირორჟანგის 95% ქვავდება და გარდაიქმნება კლდოვან ფენად.
ნახშირორჟანგი ჰაერის მხოლოდ 0,04% -ს შეადგენს და მისი ჰაერიდან გამოდევნის პროცესი რთული და ენერგიის მოხმარების კუთხით ძალიან ინტენსიურია. ისლანდიაში ეს შესაძლებელია გეოთერმული ენერგიის უზარმაზარი, იაფი მარაგის გამო.
სხვა ქვეყნებისთვის და კომპანიებისთვის ეს მეთოდი საკმაოდ დიდ თავსატეხს წარმოადგენს, მისი სიძვირის გამო. მაგალითისთვის, გასულ წელს აშშ-ს საგადასახადო კომპანია Stripe- მა განაცხადა, რომ კომპანია Climeworks-ს გადაუხდის 775 აშშ დოლარს ტონაში, ჰაერიდან 322 ტონა ნახშირორჟანგის მოპოვებისთვის.
Microsoft– მა იანვრის ბოლოს ანალოგიურად განაცხადა, რომ Climeworks– ში ჩადებს ინვესტიციას 1400 ტონა ნახშირბადის დასამარხად, მაგრამ Climeworks-მა უარი განაცხადა საკუთარი ფასი გაემჟღავნებინა.
Microsoft-ის განცხადებით, 2030 წლისთვის კომპანია აპირებს გახდეს „carbon negative“, ანუ უფრო მეტი ნახშირორჟანგი მოაშორონ ატმოსფეროდან, ვიდრე წარმოქმნიან, ხოლო 2050 წლისთვის მთლიანად ამოიღონ გარემოდან ის ნახშირორჟანგი, რომელიც კომპანიამ პირდაპირ ან ელექტროენერგიის მოხმარებით გამოყო დაარსების 1975 წლიდან მოყოლებული.“
სტატიაზე მუშაობდა : მაია ბურდული და ნატა შველიძე