ჰაერის დაბინძურება შესაძლოა ფილტვის დაავადებების გაჩენის რისკს ზრდიდეს
დიაბეტით დაავადებულ ადამიანებში, რომლებიც ოზონის მაღალი შემცველობის მქონე გარემოში ცხოვრობენ, მეტია რისკი ფილტვის ქსოვილების დაავადებების გაჩენის.
მიჩიგანის სახელმწიფო უნივერსიტეტის მკვლევრებმა შეისწავლეს ჯანმრთელი, სისხლში ინსულინის დაბალი შემცველობის მქონე და სისხლში ინსულინის მაღალი შემცველობის მქონე თაგვები.
მკვლევრებმა აღმოაჩინეს პირდაპირი კავშირი სისხლში ინსულინის დონესა და ფილტვების ანთებითი პროცესის სიმწვავეს შორის. დიაბეტისკენ მიდრეკილი თაგვების ორგანიზმი უფრო დაუცველი იყო ანთებითი პროცესისგან, რისი მიზეზიც მათზე ოზონის მუდმივი ზემოქმედება იყო.
როგორც ცნობილია, ოზონით დაბინძურებული ჰაერი ფილტვის გარკვეულ დაავადებებს, როგორიცაა ასთმა, ამწვავებს, თუმცა ეს კვლევა აჩვენებს, რომ ოზონით დაბინძურებულ ჰაერს გაცილებით მეტი უარყოფითი ეფექტი აქვს ფილტვის ქსოვილებზე, მათ შორის არის სუნთქვის ქრონიკული გაძნელება.
მკვლევრებმა განაცხადეს, რომ ეს აღმოჩენა ძალიან მნიშვნელოვანია ჯანდაცვისათვის მსოფლიო მასშტაბით.
ჯეიმს ვაგნერი, კვლევის მთავარი სპეციალისტი, ამბობს: ,,ჩვენი აღმოჩენა გამორჩეულად მნიშვნელოვანია ახლა, როდესაც კოვიდ-19-ის პანდემიის ფონზე ვცხოვრობთ, რადგან ამჟამად ყველაზე მეტად ექცევა ყურადღება ჰაერის დაბინძურების გავლენის შესწავლას ადამიანის ჯანმრთელობაზე, განსაკუთრებით SARS-CoV-2-ისადმი (იშიფრება, როგორც მწვავე რესპირატორული სინდრომი-კოვიდ 2) მოწყვლად, დიაბეტის მქონე ადამიანთა ჯგუფზე.
ჩვენმა კვლევამ დაადგინა მიზეზ-შედეგობრივი კავშირი ოზონის ორგანიზმზე გავლენასა და ფილტვის ქსოვილის შესქელებასა და დაფლეთას შორის დიაბეტისკენ მიდრეკილ თაგვებში.
კვლევაში თაგვები ოზონის ზემოქმედების ქვეშ მხოლოდ 3 კვირის განმავლობაში იყვნენ, მაგრამ დღესდღეობით მილიონობით ადამიანი, რომლებიც ცხოვრობენ ისეთ ქალაქებში, როგორებიცაა ლოს-ანჯელესი და ნიუ იორკი, ყოველდღიურად ოზონის ზემოქმედების ქვეშაა.
ასევე გასათვალისწინებელია, რომ აშშ-ის მოსახლეობის დაახლოებით 33% დიაბეტისკენ მიდრეკილია. ჩვენი კვლევის შედეგების მიხედვით ადამიანებში, რომლებსაც სისხლში ინსულინის დაბალი შემცველობა აქვთ ან დიაბეტით დაავადებულნი არიან და ამასთანავე ცხოვრობენ ისეთ გარემოში, სადაც ჰაერში ოზონის შემცველობა მაღალია, გაცილებით მეტია რისკი ფილტვის დაავადებების გაჩენის“.
ამ საკითხთან დაკავშირებით კიდევ ერთი სიახლეა ალასტერ ლუისის, იორკის უნივერსიტეტის ატმოსფერული მეცნიერების საერთაშორისო ცენტრის მთავარი მეცნიერის, განცხადება, რომელიც გვამცნობს, რომ კიდევ ბევრი რამ არ ვიცით კორონავირუსსა და ჰაერის დაბინძურებას შორის კავშირის შესახებ.
წყარო : https://airqualitynews.com/2020/12/14/air-pollution-may-increase-risk-of-lung-disease/
записаться к психологу москва w-495.ru