ჰაერის დაბინძურება დელიში მაღალი რჩება მიუხედავად ძალისხმევისა
- ნოემბერსა და დეკემბერში, გარკვეული მიზეზების გამო, ჰაერის დაბინძურების უფრო მაღალი დონე დაფიქსირდა
- სპეციალისტები ამბობენ, რომ, საერთო ჯამში, წელს დელიში მაინც უფრო სუფთა ზამთარი იყო
ოქტომბრიდან იანვრის ჩათვლით დელიში დაფიქსირდა ჰაერის “მკაცრი” ხარისხის 19 დღე ჰაერის ხარისხის ინდექსის (AQI) მიხედვით.
ჰაერის მაღალი დაბინძურების პერიოდის შემდეგ, 2021 წლის ბოლოს მთავრობამ შემოიღო გარკვეული ზომები ჰაერის დაბინძურების შესამცირებლად და სკოლებიც კი დახურა კონტაქტის მინიმუმამდე დასაყვანად.
მიუხედავად ამისა, ამ ზამთარში ჰაერის დაბინძურების სურათი იგივეა, რაც წინა ორი წლის განმავლობაში, როდესაც ასევე ჰაერის „მკაცრი“ ხარისხის 19 დღე დაფიქსირდა.
მიმდინარე წლის იანვარსა და ოქტომბერში ჰაერის უკეთესი ხარისხი დაფიქსირდა წინა წლებთან შედარებით. ნოემბერში, როდესაც „დივალს“ ზეიმობდნენ და როდესაც მინდვრის წვის (მოსავლის აღების შემდეგ დარჩენილი ბალახის დაწვა) წვლილი ნაწილაკების (PM2.5) გამოყოფაში გაიზარდა. დედაქალაქში წელს უარესი ჰაერი დაფიქსირდა, ვიდრე ადრე.
ბოლო სამი დღის განმავლობაში AQI (ჰაერის ხარისხის ინდექსი) დარჩა “ზომიერ” კატეგორიაში. ექსპერტების აზრით, ამას ხელს ძლიერი ქარი უწყობს.
მეცნიერებისა და გარემოს ცენტრის კვლევისა და ადვოკატირების აღმასრულებელმა დირექტორმა ანუმიტა როიჩოვდჰურმა „Indian Express“-ს განუცხადა: „ოქტომბერში ხანგრძლივი წვიმები იყო, როცა იანვარში ასევე ნალექის რეკორდული მაჩვენებელი დაფიქსირდა. თუ გავითვალისწინებთ იანვარსა და ოქტომბერს, ზამთრის საერთო დაბინძურების თვალსაზრისით, წელს ვიხილავთ დღეებს უფრო სუფთა ჰაერით.
„მაგრამ ჩვენ წელს, ნოემბერში ჩავწერეთ სმოგის ერთ-ერთი ყველაზე ხანგრძლივი ეპიზოდი უწყვეტი „მკაცრი“ ჰაერის დღეებით. დეკემბრის ბოლოს, მაშინაც კი, როდესაც მინდვრები აღარ იწვებოდა, დელიში იყო ჰაერის “მკაცრი” დაბინძურება. ეს აჩვენებს ადგილობრივი დაბინძურების გავლენას დელისა და NCR-ში (ეროვნული დედაქალაქის რეგიონი). ის ფაქტი, რომ ჰაერის ხარისხის ასეთი მაჩვენებელი შეიძლება დაფიქსირდეს ნოემბერსა და დეკემბერში, მიუთითებს რეგიონის მაღალ დაბინძურებაზე.“
სტატიაზე მუშაობდა : ანა ქავთარაძე და ანა კვეკვესკირი
წყარო : airqualitynews.com