GreenPole
  • Donate
  • Menu Canvas
    • მთავარი
    • პროექტები
    • სიახლეები
      • საქართველო
      • მსოფლიო
    • შემეცნებითი
    • ჩვენი გუნდი
    • კონტაქტი
    • ქართული
      • English
  • ძებნა
GreenPole
  • მთავარი
  • პროექტები
  • სიახლეები
    • საქართველო
    • მსოფლიო
  • შემეცნებითი
  • ჩვენი გუნდი
  • კონტაქტი
  • ქართული
    • English
  • ძებნა

ბრიტანელების 70% ფიქრობს, რომ ელექტრონული ველოსიპედი ხელს შეუწყობს გამონაბოლქვის შემცირებას უფრო სწრაფად, ვიდრე ელექტრომობილები

Homepage მსოფლიო ბრიტანელების 70% ფიქრობს, რომ ელექტრონული ველოსიპედი ხელს შეუწყობს გამონაბოლქვის შემცირებას უფრო სწრაფად, ვიდრე ელექტრომობილები
მსოფლიო

ბრიტანელების 70% ფიქრობს, რომ ელექტრონული ველოსიპედი ხელს შეუწყობს გამონაბოლქვის შემცირებას უფრო სწრაფად, ვიდრე ელექტრომობილები

აპრილი 15, 2022
By GREENPOLE
0 კომენტარი
152 ნახვა
  • ელექტრულ ველოსიპედს შეუძლია ნახრირბადის გამოყოფის დონის საგრძნობლად შემცირება
  • #BikeIsBest-ის კამპანიების კონსულტანტის აზრით, საჭიროა, სუბსიდირება ელექტროველოსიპედებზეც გავრცელდეს
  • ელექტრული ველოსიპედები გაზრდიან ცხოვრების ხანგრძლივობას და მეტ ადამიანს უბიძგებენ ჯანსაღად ცხოვრებისკენ, რაც დადებითად აისახება ქვეყნის ეკონომიკაზე.

#BikeIsBest-ისა და ვესტმინსტერის უნივერსიტეტის ახალი კვლევის თანახმად, ბრიტანელების უმრავლესობა ფიქრობს, რომ ელექტრონული ველოსიპედი ხელს შეუწყობს ნახშირბადის გამონაბოლქვის შემცირებას უფრო სწრაფად, ვიდრე ელექტრო მანქანები (EVs).

YouGov-ის მიერ ჩატარებული ზრდასრულთა გამოკითხვის მიხედვით, ელექტრონულ ველოსიპედებს ფართო მხარდაჭერა აქვს, როგორც ნახშირბადის შემცირების საშუალებას, იმ ადამიანებს შორისაც კი, რომლებიც ამჟამად არ აპირებენ მის შეძენას.

კვლევის თანახმად, ზრდასრულთა ერთი მეხუთედი, რომლებსაც არასოდეს ჰქონიათ ელექტრონული ველოსიპედი, განიხილავს მის შეძენას მომავალში, ხოლო მონაწილეთა 67% აცხადებს, რომ მისი ღირებულება ყველაზე დიდი დაბრკოლება იყო, რომელიც მათ ელექტრონული ველოსიპედის ყიდვის საშუალებას არ აძლევდა.

მოხსენებაში ნათქვამია, რომ ელექტრონული ველოსიპედების, ისევე როგორც ჩვეულებრივი ველოსიპედების, ფართო გამოყენების შემთხვევაში, შეიძლება ჩანაცვლდეს სამი მილიონი მგზავრობა მანქანით სამსახურში და 10%-ით შემცირდეს ნახშირბადის გამონაბოლქვი მგზავრობისას.

სკოტ პურჩასმა, კამპანიების კონსულტანტმა #BikeIsBest-ში, თქვა: „მომავალი არის ელექტრო, მაგრამ არა ისე, როგორც შეიძლება ფიქრობდეს ხალხი. სუბსიდიებზე მთელი აქცენტი ელექტრო მანქანებზე იყო, მაგრამ ეს ახალი ანგარიში აჩვენებს ელექტრო ველოსიპედების მნიშვნელოვან სარგებელს და რამდენად მნიშვნელოვანია ისინი ტრანსპორტის სწრაფი დეკარბონიზაციისთვის, ჩვენი ჯანმრთელობის გასაუმჯობესებლად და, ამავე დროს, ჰაერის გაწმენდისთვის.

„ჩვენ ჩამოვრჩებით ევროპის იმ ქვეყნებს, რომლებმაც უკვე გამოიყენეს სუბსიდიები ელექტრო ველოსიპედებზე გადასვლის დასაჩქარებლად. მზარდი ცხოვრების ხარჯების გათვალისწინებით, ეს ანგარიში აჩვენებს, რომ ელექტრონული ველოსიპედის სუბსიდიას ექნება დიდი დადებითი გავლენა სხვადასხვა მიმართულებით. ეს ასევე შეამცირებს ქალაქის გადატვირთულობას იმ ადამიანებისთვისაც კი, ვინც ველოსიპედით არ დადის.

წინა კვლევამ აჩვენა, რომ ელექტრონული ველოსიპედები ბევრად უფრო ნაკლებ ნახშირბადს გამოყოფს არსებობის მანძილზე, ვიდრე წიაღისეული საწვავის ან ელექტრო მანქანები.

ელექტრონული ველოსიპედები ასევე ნაკლებად აბინძურებენ გარემოს ე.წ. ნაწილაკებით, ვიდრე ელექტრო მანქანები, რაც დადებითად აისახება ადგილობრივი ჰაერის დაბინძურების დონეზე.

დაბინძურების შემცირების გარდა, ელექტრო ველოსიპედებს შეუძლიათ დადებითი გავლენა იქონიონ ჯანმრთელობაზე. „მეტი ადამიანისთვის შესაძლებლობის მიცემა, რომ სამსახურში გადაადგილდნენ ელექტრონული ველოსიპედით, გაზრდის სიცოცხლის ხანგრძლივობას და შეამცირებს სამსახურში არყოფნას, ხოლო ჯანმრთელობის პოტენციური ეკონომიკური სარგებელი წელიწადში 2,2 მილიარდ ფუნტ სტერლინგს შეადგენს“, – ნათქვამია #BikeIsBest მოხსენებაში.

„ველოსიპედით გადაადგილების ფიზიკური დატვირთვის შემცირების და, შესაბამისად, ფიტნესის, ტოპოგრაფიისა და საცხოვრებლის დასაქმებასთან და სხვა აქტივობებთან სიახლოვის ბარიერების დაძლევის პოტენციალის გამო, ელექტრონული ველოსიპედის მომხმარებელთა წრემ შეიძლება მოიცვას ასაკის, სქესის, ფიზიკური ფორმისა და ეკონომიკის დემოგრაფიის უფრო ფართო მრავალფეროვნება, ვიდრე ჩვეულებრივმა ველოსიპედებმა.’

 

 სტატიაზე მუშაობდა : ანა ქავთარაძე და დეა კუსიანი

წყარო : airqualitynews.com

ნახვები : 41 1 წუთის საკითხავი

წინა პოსტი
ჰაერის დაბინძურება გარე ლონდონში ნელა მიმდინარეობს.
შემდეგი პოსტი
ჰაერის დაბინძურება დელიში მაღალი რჩება მიუხედავად ძალისხმევისა

Leave your comment Cancel Reply

(will not be shared)

ბოლო ჩანაწერები

  • “ჩემი ქალაქი მკლავს“ მოძრაობა, ბოლნისის რაიონის სოფელ გეთაში ჩავიდა
  • ლონდონი და მილანი ჰაერის ხარისხის გაუმჯობესების მიზნით შეკრებას უხელმძღვანელებენ
  • ლონდონში დაწყებულია კამპანია შეშის წვის საფრთხეებზე ცნობიერების ასამაღლებლად
  • ნიუკასლის სუფთა ჰაერის ზონა აქტიურდება
  • აშშ-ის მთავრობა ასთმის საშიშროების გამო გაზის ქურების აკრძალვას განიხილავს
Alone
  • Call Us: + 995 551 858 858
  • greenpoleorg@gmail.com
  • Tbilisi , Georgia
Copyright ©2020 GREENPOLE. All Rights Reserved
SearchPostsLogin
ოთხშაბათი, 22, მარ
“ჩემი ქალაქი მკლავს“ მოძრაობა, ბოლნისის რაიონის სოფელ გეთაში ჩავიდა
ორშაბათი, 20, მარ
ლონდონი და მილანი ჰაერის ხარისხის გაუმჯობესების მიზნით შეკრებას უხელმძღვანელებენ
შაბათი, 11, მარ
ლონდონში დაწყებულია კამპანია შეშის წვის საფრთხეებზე ცნობიერების ასამაღლებლად
კვირა, 26, თებ
ნიუკასლის სუფთა ჰაერის ზონა აქტიურდება
პარასკევი, 24, თებ
აშშ-ის მთავრობა ასთმის საშიშროების გამო გაზის ქურების აკრძალვას განიხილავს
პარასკევი, 24, თებ
გაერთიანებული სამეფოს საზოგადოება უარს ამბობს საზოგადოებაში მოწევაზე, ტრასნპორტის გამონაბოლქვი კი შედარებით მისაღები რჩება

Welcome back,