ჰაერის დაბინძურება ჩინეთში

კორონა ვირუსის პანდემიამ სერიოზული დაღი დაასვა მსოფლიოს. კარანტინის დროს CO2-ის ემისიების შემცირებამ  ერთგვარი იმედი და სტიმული იყო, რომ მომავალში მეტი პატივისცემას გამოვიჩენდით გარემოს მიმართ.

ჩინეთში უსაფრთხოების ზომების შემსუბუქებას თან ახლდა მტვრისა და აზოტის ოქსიდის დონის მომატება. სულ მალე, შესაძლოა იგივე შედეგი დადგეს ევროპაშიც.

დამოუკიდებელი კვლევითი ორგანიზაცია Center of Research on Energy and Clean Air (CREA)-ის ანალიზის მიხედვით, ჰაერის დაბინძურება ჩინეთში ისევ იმატებს.  მაისში,  წინა წლის იგივე პერიოდთან შედარებით, ბევრად გაზრდილია ჰაერში ისეთი ნივთიერებების მაჩვენებელი, როგორიცაა წვრილი მტვერი, აზოტის დიოქსიდი, ოზონი და გოგირდის დიოქსიდი.

„ჰაერის დაბინძურების დონე თებერვლისა და მარტის  თვეში საგრძნობლად შემცირდა, დღეის მდგომარეობით კი კრიზისის წინა პერიოდსაც გადააჭარბა“-აცხადებენ CREA-ში.

ჩინეთის მსგავსი ტენდეცია შესაძლოა ევროპაშიც განმეორდეს.

ბრიტანული გაზეთის  The Guardian-ის თანახმად, კარანტინის დროს აზოტის დიოქსიდით დაბინძურება მკვეთრად შემცირდა. ამინდისა და ატმოსფეროს მონიტორინიგის სამსახურის კვლევის მიხედვით კი, ევროპის 50 ქალაქიდან 42-ში  დაფიქსირებული NO2-ის დონე საშუალოზე დაბალი იყო. აზოტის დიოქსიდით დაბინძურების მთვარი წყარო, დიზელზე მომუშავე მანქანები არიან.

წინასწარ შეუძლებელია იმის მტკიცება, გაიზიარებს თუ არა ევროპა ჩინეთის ბედს და ისეთივე სისწრაფით მოხდება ჰაერის დაბინძურება. ეს საკითხი მეტწილად  ადამიანების ქცევაზეა დამოკიდებული. მაგ: აარიდებენ თუ არა თავს საზოგადოებრივი ტრანსპორტით მგზავრობას, უპირატესობას მიანიჭებენ საკუთარი ავტომობილებს, თუ იმუშავებენ შეძლებისდაგვარად სახლიდან.

თარგმნა: მაია თავაძე

რედაქტირება: ანნა ქურდაძე

წყარო : https://efahrer.chip.de