Yutong-ის ელექტრო ავტობუსი ტალინში
ესტონეთის დედაქალაქ ტალინში ელექტრო ავტობუსი – Yutong U12 ტესტირდება. Yutong U12 იქნება ერთ-ერთი პირველი ელექტრო ავტობუსი, რომელიც ევროპაში გამოჩნდება, ბრიუსელში ჩატარებულ, საერთაშორისო გამოფენა Busworld 2019-ზე წარდგენის შემდეგ.
საპილოტე ჩვენება ორგანიზებული იყო BUSNEX– თან თანამშრომლობით. კომპანია 2020 წლის დასაწყისიდან ამარაგებს ბალტიის რეგიონს ელექტრო ავტობუსებით. ამჟამად Busnex-ი ნორვეგიას, 102 ერთეულ ელექტრონულ ავტობუსს აწვდის.
Yutong U12-ის ელექტრო ავტობუსი სიგრძე 12 მეტრია და გამოირჩევა კომფორტული სამგზავრო განყოფილებით. ავტობუსისთვის ენერგიის მომარაგება ხდება 422 კვტ/სთ-იანი ბატარეის საშუალებით, რაც უზრუნველყოფს მაქსიმალურ გარბენს – 400 კილომეტრს ერთი დატენვით.
Yutong U12 იტევს 85-მდე მგზავრს და ადაპტირებულია ეტლით მოსარგებლეთა საჭიროებებზე, ავტობუსის კორპუსი იტევს ორ ეტლს. რაც შეეხება უსაფრთხოების სისტემებს, Yutong–ის წარმომადგენლებმა განაცხადეს, რომ მათ დიდი ინვესტიცია განახორციელეს ამ მიმართულებით და დანერგეს „BusEYE Pro მართვის ასისტენტის სისტემა“, რომელიც ორიენტირებულია მძღოლისა და მგზავრთა უსაფრთხოებაზე. სისტემა მძღოლს წინასწარ აფრთხილებს შესაძლო პრობლემებზე – გზების მდგომარეობა, მანქანის გამართულობა და ა.შ..
ტალინის მერის მოადგილემ ანდრეი ნოვიკოვმა განაცხადა: „ელექტრო ავტობუსების სატესტო პერიოდში გვსურს ვნახოთ, შეესაბამება თუ არა სისტემა ჩვენს მოლოდინებს. 2035 წლისთვის გვსურს საზოგადოებრივი ტრანსპორტი სრულად ელექტრონული მანქანებით ჩავანაცვლოთ. წლის ბოლოს ტალინში 100 ახალი გაზის ავტობუსი გვეყოლება, შემდეგ წლებში კი კიდევ 350 ბიოსაწვავზე მომუშავე ავტობუსი დაემატება. ტალინს სურს 2022 წელს გახდეს ევროპის მწვანე დედაქალაქი!”
თარგმნა : თეკა გრამატოპულო
რედაქტირება : ანა ქურდაძე
წყარო : https://www.sustainable-bus.com