გუბერნატორმა რონ დესანტისმა ფლორიდაში წყლის ხარისხის გასაუმჯობესებლად 481 მილიონი დოლარი გასცა
- ფლორიდის გუბერნატორმა 103 სხვადასხვა პროექტი დააფინანსა ჯამში 481 მილიონი დოლარით, ყველა მათგანი ფლორიდაში წყლის ხარისხის გაუმჯობესებისკენაა მიმართული.
- ფლორიდის ეკონომიკა სწორედ წყლის რესურსზე არის დამოკიდებული, ამავდროულად არანაკლებ მნიშვნელოვანია იმ გარემოს დაცვა, რომელშიც ჩვენი საზოგადოება ცხოვრობს“, – აცხადებს გუბერნატორი რონ დესანტისი.
- დაფინანსება სამი ძირითადი საგრანტო მიმართულებით გაიცა – ჩამდინარე წყლების პროგრამა, ფლორიდის წყაროების დაცვის პროგრამა, მცირე დასახლებების ჩამდინარე წყლის მართვის პროგრამა.
ფლორიდის გუბერნატორმა 103 სხვადასხვა პროექტი დააფინანსა ჯამში 481 მილიონი დოლარით, ყველა მათგანი ფლორიდაში წყლის ხარისხის გაუმჯობესებისკენაა მიმართული.
,,პროექტების შედეგად ინიცირებული ცვლილებები მნიშვნელოვნად გააუმჯობესებს წყლის ხარისხს ჩვენს შტატში. ფლორიდის ეკონომიკა სწორედ წყლის რესურსზე არის დამოკიდებული, ამავდროულად არანაკლებ მნიშვნელოვანია იმ გარემოს დაცვა, რომელშიც ჩვენი საზოგადოება ცხოვრობს. ბუნებრივი რესურსების ქონა და შენარჩუნება დიდი პასუხისმგებლობაა“, – აცხადებს რონ დესანტისი, ფლორიდის გუბერნატორი.
დაფინანსება სამი ძირითადი საგრანტო მიმართულებით გაიცა – ჩამდინარე წყლების პროგრამა, ფლორიდის წყაროების დაცვის პროგრამა, მცირე დასახლებების ჩამდინარე წყლის მართვის პროგრამა.
394 მილიონი დოლარი ჩამდინარე წყლების პროგრამის ფარგლებში გაიცა, ძირითადი აქცენტი ისეთ წამოწყებებს ენიჭებოდა, რომლებიც მიკროორგანიზმებით, განსაკუთრებით მავნე ბაქტერიებით, დაბინძურებული საკანალიზაციო წყლების მართვას ეხებოდა. ამ მიმართულებით აპლიკანტები ფედერალური ფონდიდან დაფინანსდნენ.
67 მილიონი დოლარი ფლორიდის შტატის მასშტაბით არსებული წყაროების დასაცავ პროგრამებს დაეთმო. ამ მიმართულებით განიხილებოდა მიწის შესყიდვისა და დაცვის საკითხიც, ასევე ჩამდინარე წყლების ინფრასტრუქტურის გაუმჯობესება. ამ მიმართულებისთვის გამოყოფილი თანხიდან 50 მილიონი დოლარი შტატის ფონდიდან გაიცა, 17 მილიონი დოლარი კი – ფედერალურიდან.
20 მილიონი დოლარი მცირე დასახლებების ჩამდინარე წყლის მართვის პროგრამის ფარგლებში გამოიყო, რომელიც სასოფლო ტერიტორიებზე მცხოვრები ფინანსური სახსრების არმქონე დასახლებებითვის წყლის სისტემების გასაუმჯობესებლად გაიცა. პროექტები სრულად დაფინანსდა ფედერალური ფონდიდან.
სტატიაზე მუშაობდა : ნინი თოიძე
წყარო : miami.cbslocal.com