მწვანეებს უნდათ, ჰაერის ხარისხის „ცუდ დღეებში“ ხელისუფლებამ მოსახლეობა გააფრთხილოს

• მუმბაი არის მაჰარაშტრას 18 ქალაქიდან ერთ-ერთი, რომელიც „მიუღწეველია“
• მხოლოდ ტრანსპორტი შეადგენს ქალაქის ჰაერის დაბინძურების 30.5%-ს, რაც მას დაბინძურების პირველად წყაროდ აქცევს

გარემოსდამცველებმა სთხოვეს ხელისუფლებას, გასცეს გაფრთხილება საზოგადოებრივი ჯანმრთელობის შესახებ შტატებში, განსაკუთრებით მუმბაიში, თუ ადგილის ჰაერის ხარისხის ინდექსი (AQI) გადააჭარბებს ჯანმრთელობისთვის უსაფრთხო ზღვარს.

ისინი აცხადებენ, რომ ამ ტიპის გაფრთხილებები უზრუნველყოფს ზოგადად ადამიანებს, და განსაკუთრებით კი დაუცველ ჯგუფებს, მათ შორის ბავშვებს, ორსულებსა და ხანდაზმულებს, ჰქონდეთ საშუალება, დაიცვან თავი ჰაერის დაბინძურების მავნე ზემოქმედებისგან.

ბოლო ორი კვირის განმავლობაში მუმბაიში დაფიქსირდა ჰაერის დაბინძურების მაღალი დონე, მას შემდეგ, რაც 2015 წელს ქალაქის მასშტაბით ჰაერის ინტენსიური მონიტორინგი დაიწყო. მუმბაის AQI-მ (ჰაერის ხარისხის ინდექსმა) 24-25 იანვარს გადააჭარბა 500 ერთეულს. ჰაერის ხარისხის ინდექსი კვლავ ძალიან მაღალი (300-ზე მეტი) იყო თებერვლის პირველ კვირაში. ამის მიზეზად მიიჩნევენ ორ მტვრის ქარიშხალს, რომელიც წარმოიშვა ახლო აღმოსავლეთში და გაიარა ავღანეთი, პაკისტანი და მიმდებარე რეგიონები, აკრიფა მტვერი, რომელიც შემდეგ წაიღო ჩრდილო-დასავლეთ მაჰარაშტრაში, გუჯარატსა და რაჯასტანში.

ექსპერტები ამბობენ, რომ ასეთი შემთხვევები არ შეიძლება, ჩაითვალოს ცალკეულ შემთხვევებად.

„ჰაერის ცუდი ხარისხი და მისი გავლენა ჯანმრთელობაზე მუმბაისთვის მნიშვნელოვანი საფრთხე გახდა არა მხოლოდ ზამთრის თვეებში, არამედ მთელი წლის განმავლობაში“, – თქვა გარემოსდამცველმა სუმაირა აბდულალიმ წერილში, რომლითაც მიმართა პრემიერ-მინისტრ უდჰავ თაკერას და გარემოს დაცვის მინისტრ ადიტია თაკერეის.

”BMC-მ თავის ბიუჯეტში დააანონსა 128 სენსორზე დაფუძნებული სისტემის დაყენება ჰაერის ხარისხის მონიტორინგისა და რეალურ დროში მონაცემების მიწოდებისთვის ყოველ 4 კვ.კმ-ზე, რაც მუმბაის ჰაერის ხარისხის ქსელს ინდოეთში ყველაზე დიდს ხდის.“

ექსპერტმა თქვა, რომ მუმბაი არის მაჰარაშტრას 18 ქალაქიდან ერთ-ერთი, რომელიც „მიუღწეველია“. მიუღწეველი ქალაქი არის ქალაქი, რომელიც არ აკმაყოფილებს კავშირის გარემოს დაცვის სამინისტროს მიერ ჰაერის ხარისხის დადგენილ მოთხოვნებს. მხოლოდ ტრანსპორტი შეადგენს ქალაქის ჰაერის დაბინძურების 30.5%-ს, რაც მას დაბინძურების პირველად წყაროდ აქცევს. ექსპერტები პრობლემის შემსუბუქების მიზნით საზოგადოებრივი ტრანსპორტის გაუმჯობესებას ითხოვენ.

სტატიაზე მუშაობდა : ალექსანდრე ფიფია

წყარო : timesofindia.indiatimes.com