ესპანეთი 2050 წლისთვის 100%-ით განახლებადი ენერგიის უზრუნველყოფას გეგმავს
- ესპანეთი პარიზის კლიმატური შეთანხმების ლიდერი გახდა 2018 წელს იმის განცხადებით, რომ 2050 წლისთვის სრულიად გადავა განახლებად ენერგიაზე.
- თუ თავიდან ავირიდებთ კლიმატური ცვილებების ყველაზე ცუდ შედეგებს, თითოეული სახელმწიფო ვალდებული იქნება გადავიდეს სრულად განახლებად ენერგიაზე.
ესპანეთი პარიზის კლიმატური შეთანხმების ლიდერი გახდა 2018 წელს იმის განცხადებით, რომ 2050 წლისთვის სრულიად გადავა განახლებად ენერგიაზე – დაიწერა „გარდიანში“.
ასევე სახელმწიფო შეამცირებს თავის სათბურების აირის გამონაბოლქვს 1990-იან წლებთან შედარებით 90%-ით. „ნახშირბადზე უარის თქმით ესპანეთმა აჩვენა, თუ რამდენად სერიოზულია კლიმატური ცვლილებების წინააღმდეგ ბრძოლა და რომ ისინი მზად არიან მიმართონ თავიანთი რესურსი დეკარბონიზირებისკენ,“ – თქვა ლოურენს ტუბიანამ, ევროპული კლიმატის ფედერაციის ხელმძღვანელმა.
თუ თავიდან ავირიდებთ კლიმატური ცვლილებების ყველაზე ცუდ შედეგებს, თითოეული სახელმწიფო ვალდებული იქნება გადავიდეს სრულად განახლებად ენერგიაზე. სამწუხაროდ, დღესდღეობით ძალიან ცოტა მათგანმა წარმოადგინა გეგმა, თუ როგორ აპირებს ამის მიღწევას.
ზოგიერთი ქვეყანა, მაგ. ამერიკის შეერთებული შტატები, საერთოდ საპირისპირო გზას ირჩევს.
ესპანეთს განზრახული აქვს 3000 მეგავატის ღირებულების მზისა და ქარის ენერგიის შექმნა ყოველწიურად შემდეგი ათწლეულის განმავლობაში, რაც საკმარისი ენერგიაა 4.5 მილიონი სახლის უზრუნველსაყოფად წელიწადში. ამავე რაოდენობის ენერგია ეყოფა მხოლოდ 1.5 მილიონ სახლს აშშ-სა ან კანადაში, სადაც იყენებენ უფრო მეტ ენერგიას ერთ სულ მოსახლეზე.
2017 წელს ესპანეთმა თავისი ენერგიის 33.7% განახლებადი რესურსისგან აწარმოა ქარის ფერმებისა (19.7%) და მზის (5.4%) საშუალებით.
ამჟამად სახელმწიფო ენერგიის უდიდეს ნაწილს იღებს ბირთვული ელექტროსადგურებიდან, რომლებიც არ გამოყოფენ სათბურის აირებს, მაგრამ არ არიან განახლებადი, როგორც მზე და ქარი და ამასთან ერთად საჭიროებენ წყლის უდიდეს რაოდენობას.
როგორც ქვეყანა აანონსებს, ეს გეგმა ითვალისწინებს ბიუჯეტის 20%-ის კლიმატური ცვლილებების წინააღმდეგ გამოყენებას, რაც ხელს შეუწყობს მათი ამ გზით განვითარებას.
ესპანეთი უკვე მრავალი წელია კონცენტრირებულია ქალაქების გამწვანებაზე ურბანული ზონების გაფართოებითა და ათვისებით.
გასულ წლებში ესპანეთმა დააწესა ლიმიტი მანქანების გამოყენებაზე, თუმცა მათი განცხადება არ ითვალისწინებს საწვავის რაოდენობის შემცირებას ან ჩანაცვლებას. სხვა ქვეყნებმა, როგორიცაა საფრანგეთი, დიდი ბრიტანეთი და ინდოეთი, დადეს პირობა რომ გათავისუფლდებოდნენ ბენზინსა და დიზელზე მომუშავე მანქანებისგან უახლოეს ათწლეულებში.
სტატიაზე მუშაობდა : დეა კუსიანი
წყარო : www.globalcitizen.org