ოკეანეში პლასტმასით დაბინძურების 44% თანწასაღებ საჭმელს უკავშირდება
ბოლო წლებში კუების გადასარჩენად პლასტმასის საწრუპი ჩხირების მოხმარების შეწყვეტა ახირებად იქცა, მაგრამ რაც არ შეიძლება იცოდეთ არის ის, რომ საწრუპი ჩხირები ოკეანეში პლასტმასის რაოდენობის ყველაზე დიდ ნაწილს არ წარმოადგენს – ეს ნაჩვენებია ახალ კვლევაში.
ამის ნაცვლად, მკლევრების ყურადღებას, როგორც ყველაზე დიდი დამაბინძურებლები ოკეანეში, თანწასაღები და სწრაფად მოსამზადებელი საჭმლის კონტეინერები იპყრობენ.
ფართოდ გავრცელებული პლასტმასის დამაბინძურებლები, როგორებიცაა საჭმლის კონტეინერები და საჭმლის შესახვევი პარკები, ერთჯერადი პარკები და პლასტმასის ბოთლები, ზღვებს ყველაზე მეტად აბინძურებს. გარდიანის მიხედვით ეს რიცხვი ადამიანის მიერ გამოწვეული დაბინძურების თითქმის ნახევარია.
მთავარმა მკვლევარმა, დოქტორ კარმენ მორალეზმა, ესპანეთის კადიზის უნივერსიტეტიდან BBC-ს განუცხადა რომ “გასაოცარი იყო იმ ფაქტის აღმოჩენა, რომ პარკები, ბოთლები, საჭმლის კონტეინერები და დანა-ჩანგლები საჭმლის შესაფუთ პარკებთან ერთად საერთაშორისო მასშტაბით ადამიანების მიერ შექმნილი ობიექტების ნახევარს უტოლდება. ჩვენ აღმოვაჩინეთ ისინი მდინარეებში, ფსკერებზე, ნაპირებზე.”
მხოლოდ 10 პლასტმასის პროდუქტი შეადგენს ოკეანის ნაგვის 75%-ს, აღმოაჩინეს მკვლევარებმა, გამომდინარე მათი გამოყენების რაოდენობიდან და მათი ნელი დეგრადაციის დროებიდან.
სია ასევე მოიცავს პლასტმასის თავსახურებსა და სათევზაო აღჭურვილობას, რომლებიც ასევე დიდი პლასტმასით დამაბინძურებლები არიან.
ეს აღმოჩენები 36 საერთაშორისო ნუსხას ეფუძნება.
ათიდან რვა ნაჩვენები ნივთი პლასტმასისგან იყო დამზადებული და ნარჩენების 44% თანწასაღებ საჭმელს და სასმელს შეადგენდა.
საწრუპების, ყურის ჩხირებისა და სასმლის მოსარევების გადამეტებული მოხმარების აღმოფხვრა პოპულარული გახდა და ისინი მარტივად ჩანაცვლებადია, მაგრამ მკვლევრებმა ასევე გასცეს რჩევა თანწასაღები საჭმლის კონტეინერებიდან პლასტმასის სრულად ამოღებაზე.
ამ კონტეინერებს ხშირად საჭმლის ყიდვის შემდეგ გარეთ ტოვებენ.
მკვლევრებმა თანწასაღები პლასტმასის კონტეინერებთან საბრძოლველად სამი შესაძლო სტრატეგია შეიმუშავეს, აქედან ერთ-ერთი ამ კონტეინერებში მდგრადი მასალის გამოყენებაა, მეორე – მარეგულირებელი აღმკვეთი ღონისძიებები თავიდანაცილებად პლასტმასებზე და მესამე – გადახდილი თანხის უკან დაბრუნების შესაძლებლობა, რათა მომხმარებლებმა თანწაღებული კონტეინერები უკან დააბრუნონ.
მორალესი იმედოვნებს, რომ ახალი კვლევა ცვლილებას ხელს შეუწყობს.
“ეს ინფორმაცია პოლიტიკის შემქმნელებს გაუადვილებს მართლა გამორთონ ზღვის ნაგვის ონკანი, რომელიც ოკეანეებში ჩაედინება და არა უბრალოდ გაასუფთავონ ის.” განუცხადა მორალესმა გარდიანს.
სტატიაზე მუშაობდა : გიორგი შაქარაშვილი და დეა კუსიანი
წყარო : www.ecowatch.com