ეკოლოგიური კანონდარღვევისთვის 3400 თანამდებობის პირი პასუხისგებაში მიეცა
-
პეკინი – მთლიანობაში 3,400 თანამდებობის პირია პასუხისგებაში იმ ეკოლოგიური კანონდარღვევებისთვის, რომელიც გამოვლინდა ქვეყნის მასშტაბით ჩატარებული გარემოსდაცვითი ინსპექციის მეორე რაუნდის დროს.
-
სამთავრობო დისციპლინური სასჯელი ითვალისწინებს თანამდებობის პირების გაფრთხილებას, მათთვის საყვედურის გამოცხადებას, მათ თანამდებობრივ ჩამოქვეითებასა და გათავისუფლებას ან დათხოვნას.
პეკინი – მთლიანობაში 3,400 თანამდებობის პირია პასუხისგებაში იმ ეკოლოგიური კანონდარღვევებისთვის, რომელიც გამოვლინდა ქვეყნის მასშტაბით ჩატარებული გარემოსდაცვითი ინსპექციის მეორე რაუნდის დროს, – ნათქვამია ეკოლოგიისა და გარემოს დაცვის სამინისტროს მიერ მედიაში გავრცელებულ განცხადებაში.
მათგან 3035 პირი პროვინციის იმ 31 რეგიონიდანაა, სადაც ინსპექტირება 2020 წლის მაისიდან 2022 წლის ივნისამდე პერიოდში მიმდინარეობდა. კანონდამრღვევთა შორისაა პრეფექტურის დონის 371 კადრი და 1244 პირი, რომლებიც ოლქის ხელმძღვანლების ან ოლქის უფროსის მოადგილეების ეკვივალენტურ თანამდებობებს იკავებდნენ.
ქვეყნის თანამდებობის პირთა რანჟირების სისტემაში პრეფექტურის პოზიცია ერთ-ერთ მაღალ ადგილს იკავებს მინისტრისა და ოლქის მეთაურის პოზიციებს შორის.
გარემოს დაცვის ცენტრალური ინსპექციის ჯგუფები, რომლებიც ექვემდებარებიან სამინისტროს დონის ჩინოვნიკებს, ანგარიშვალდებულნი არიან ცენტრალური ჯგუფის მიმართ, რომლებსაც ხელმძღვანელობს ვიცე-პრემიერი და მისი ოფისი. ოფისი კი სამინისტროშია განთავსებული.
ადგილობრივი ხელისუფლების 3035 თანამდებობის პირიდან, დაახლოებით ნახევარს მიესაჯა პარტიული და სამთავრობო დისციპლინური სასჯელი, ხოლო 782 თანამდებობის პირი გამოიძახეს სასამართლოში, – ნათქვამია განცხადებაში, თუმცა სხვა დეტალები უცნობია.
პარტიის წევრებისთვის არსებობს დისციპლინური პასუხისმგებლობის ხუთი ფორმა: გაფრთხილება, მკაცრი გაფრთხილება, პარტიაში თანამდებობიდან გადაყენება, პარტიაში გამოსაცდელი ვადით ყოფნა და პარტიიდან გარიცხვა.
რაც შეეხება სამთავრობო დისციპლინურ სასჯელს, იგი ითვალისწინებს თანამდებობის პირების გაფრთხილებას, მათთვის საყვედურის გამოცხადებას, მათ თანამდებობიდან ჩამოქვეითებასა და გათავისუფლებას ან დათხოვნას.
ჩინეთში, თანამდებობის პირებს, რომლებსაც აქვთ გაფრთხილება ან საყვედური, გარკვეული ვადით ეზღუდებათ დაწინაურების შესაძლებლობა. პარტიული და სამთავრობო დისციპლინური სასჯელი არ ათავისუფლებს მათ სამართლებრივი პასუხისმგებლობისაგან. გარემოებებიდან გამომდინარე, მათი საქმეები შესაძლოა ჯერ კიდევ გადაეცეს სასამართლოს განსახილველად.
ცენტრალური გარემოსდაცვითი ინსპექციის მეორე რაუნდმა ასევე მოიცვა სახელმწიფო საკუთრებაში არსებული ცენტრალურად ადმინისტრირებული ექვსი საწარმო. მათ შორისაა: China Minmetals Corporation და China National Building Materials Group Corporation.
სამინისტროს განცხადებით, აღნიშნული ცენტრალური საჯარო საწარმოების 336 თანამდებობის პირი ასევე დასჯილია. მათგან 183-მა მიიღო პარტიული და სამთავრობო დისციპლინური სასჯელი.
სტატიაზე მუშაობდა: თაკო ოზბეტელაშვილი, მარიამ ტვილდიანი
წყარო: Asianews.network
10 იანვარი 2024 წელი