ეკო ცნობიერების ამაღლება სკოლებში

მოხალისეობრივი მოძრაობა „ჩემი ქალაქი მკლავს“ იბრძვის საქართველოში ეკოლოგიური და სოციალური მდგომარეობის გასაუმჯობესებლად. სწორედ ამ მიზანს ემსახურება მათ მიერ ყოველდღიურად განხორციელებული თითოეული ქმედება.

მოძრაობა ხშირად მართავს ეკო რჩევების წიგნის პრეზენტაციას სხვადასხვა სკოლებში, რათა სკოლის მოსწავლეებში, რომელთა ნაწილიც მომავალში ჩვენი ქვეყნის სუფთა ეკოლოგიაზე იზრუნებს, მოხდეს ეკო ცნობიერების ამაღლება.

„ჩემი ქალაქი მკლავს“-ის წევრების მიერ ერთ-ერთი ასეთი პრეზენტაცია ჩატარდა 2 მაისს წყნეთის 137-ე საჯარო სკოლაში/ეკოკლუბი. შეხვედრას X კლასელები ესწრებოდნენ, სულ 11 მოსწავლე.

სკოლის მოსწავლეებმა მოძრაობის წევრებთან ერთად მიიღეს მონაწილეობა ჰაერისა და ხმაურის ხარისხის გაზომვაში. აქტივობის ბოლოს ჩატარდა ტესტირება, რომლის საფუძველზეც გამოვლინდნენ გამარჯვებულები და რომელთაც „ჩემი ქალაქი მკლავს“-ის გუნდის წევრებმა გადასცეს სერტიფიკატები. გარდა სერტიფიკატებისა მათ ასევე გადაეცათ ეკო წიგნებიც.

გამარჯვებულები გახდნენ:

• ჯგუფის ლიდერი – თეკლა ოქიტაშვილი
• საბა გადრანი
• ანა ფანჯარაძე
• გიორგი ასიტაშვილი

მოძრაობის წევრებმა ეკო რჩევების წიგნები ასევე აჩუქა სკოლის ბიბლიოთეკასაც, იმისათვის, რომ მომავალში გაცნობა შეძლონ იმ მოსწავლეებმაც, რომელთათვისაც საინტერესო საკითხს წარმოადგენს ჩვენი ქვეყნის ეკოლოგიური მდგომარეობა.

„ჩემი ქალაქი მკლავს“-მა უკვე 24 საგანმანათლებლო დაწესებულებასა და 691 მოსწავლესთან დაამყარა კომუნიკაცია. მოძრაობის წევრების თქმით „ჩემი ქალაქი მკლავს“ გეგმავს საქართველოს ყველა სკოლასთან თანამშრომლობას და აქტიურად გაგრძელდება ეკო ცნობიერების ამაღლება.

და ბოლოს, „ჩემი ქალაქი მკლავს“ მადლობას უხდის United for you – ვერთიანდებით შენთვის, რომელიც დაეხმარა ეკო რჩევების წიგნის დაბეჭდვაში.

სტატიაზე მუშაობდა : თაკო ყვავაძე