დამწყებმა მძღოლებმა ტარება ელექტრომობილზე უნდა ისწავლონ

• დიდ ბრიტანეთში დიზელისა და ბენზინის ძრავიანი ავტომობილების გაყიდვა 2030 წლიდან აიკრძალება. რაც შეეხება გარკვეული ტიპის ჰიბრიდულ ავტომობილებს, მათი გაყიდვა 2035 წლამდე იქნება შესაძლებელი.
• რაც უფრო ვუახლოვდებით განვითარების ახალ ეტაპს, მით უფრო მართებულია, რომ დამწყები მძღოლების უმეტეს ნაწილს მივცეთ შესაძლებლობა სწავლება ელექტრონულ მანქანებზე გაიარონ.
• დამწყები მძღოლების უმრავლესობა იმ თაობას მიეკუთვნება, რომელიც მთელს მსოფლიოს კლიმატური ცვლილებით გამოწვეული პრობლემის დაძლევაში დაეხმარება.

LeaseElectricCar.co.uk.-ის განცხადებით უფრო მეტი დამწყები მძღოლი უნდა წახალისდეს, რათა მართვის სწავლება და ტესტირება ელექტრომობილებზე გაიარონ (EVs).

დღევანდელი მონაცემების თანახმად, დიდ ბრიტანეთში, დიზელისა და ბენზინის ძრავიანი ავტომობილების გაყიდვა 2030 წლიდან აიკრძალება. რაც შეეხება გარკვეული ტიპის ჰიბრიდულ ავტომობილებს, მათი გაყიდვა 2035 წლამდე იქნება შესაძლებელი.

LeaseElectricCar.co.uk-ის წარმომადგენლის განცხადებით: „დამწყები მძღოლების უმრავლესობა იმ თაობას მიეკუთვნება, რომელიც მთელს მსოფლიოს კლიმატური ცვლილებით გამოწვეული პრობლემის დაძლევაში დაეხმარება.“

დიდ ბრიტანეთს უკვე გააჩნია ამბიცია, სავალ გზებზე ბენზინისა და დიზელის ძრავიანი მანქანების რაოდენობა შეამციროს. ცოტა ხნის წინ, მთავრობის მიერ გაკეთებული განცხადების თანახმად ახლად აშენებულ სახლებს ელექტრომობილების დამტენის ქონა კანონით მოეთხოვებათ, რაც ეკოლოგიური ტრანსპორტის კულტურის პოპულარიზაციას ხელს შეუწყობს.

„რაც უფრო ვუახლოვდებით განვითარების ახალ ეტაპს, მით უფრო მართებულია, რომ დამწყები მძღოლების უმეტეს ნაწილს მივცეთ შესაძლებლობა სწავლება ელექტრონულ მანქანებზე გაიარონ.“

დამწყები მძღოლები, რომლებიც ტესტირებას ელექტრომანქანებზე გაივლიან, ტარებას გადაცემათა კოლოფის გარეშე შეძლებენ, რაც, შესაძლოა, ზოგმა ელექტრომანქანის დამკვიდრების ხელშემშლელ ფაქტორად აღიქვას.

ელექტრომობილებს გააჩნიათ ასპექტები, რომლებსაც შესაძლოა შეჩვევა დასჭირდეს, მაგალითად: განსხვავება დამუხრუჭებისას, ხმის ჩამხშობის არქონა, მყისიერ აჩქარება და სრულად ავტომატიზირებული სისტემა.

თუმცა, არსებობს მოსაზრება, რომ ელექტრო სატრანსპორტო საშუალებების პოპულარობასთან ერთად, დამწყებ მძღოლებს მიეცეთ საშუალება გამოსცადონ ელექტრომობილის მართვა, თუნდაც ისინი შიდაწვის ძრავიან მანქანაზე სწავლობდნენ ტარებას. ეს უკანასკნელი მათ დაეხმარება კვალიფიკაციის გავლის შემდეგ მეტად მომზადებულებმა და თავდაჯერებულებმა მართონ ელექტრო მანქანა დიდი ბრიტანეთის გზებზე.

სტატიაზე მუშაობდა : თეონა ქავთარაძე და ლიზი უგულავა

წყარო : airqualitynews.com