ბიოტექნოლოგიები ფილტვის დაავადებების წინააღმდეგ საბრძოლველად

ყოველწლიურად მხოლოდ დიდ ბრიტანეთში IPF-ის 6000 ახალი შემთხვევა ფიქსირდება.
როდესაც ჰაერის დაბინძურება პიკს აღწევს, გარემოებები და სიმპტომები მძაფრდება, რაც საფრთხეს უქმნის სიცოცხლეს.

ასტონის უნივერსიტეტის ბიომეცნიერებათა სკოლის მკვლევრებმა დაადასტურეს, რომ დაწყებულია მუშაობა ახალ წამალზე, რომელიც მიზნად ისახავს, ებრძოლოს ჰაერის დაბინძურებით გამწვავებულ ჯანმრთელობის მდგომარეობას.
ახალ მედიკამენტებს შეისწავლიან ინსტიტუტსა და პრეკლინიკურ სტარტაპ Isterian Biotech-ის შორის პარტნიორობის ფარგლებში. ეს პროცესი ფოკუსირებული იქნება მკურნალობის ახალ მეთოდზე, რათა შეაჩეროს, ან შეცვალოს ცილების დაგროვება, რომელიც ჩვეულებრივ შეინიშნება ადამიანის ორგანიზმში ასაკის მატებასთან ერთად.
საერთო ჯამში, იმედი გვაქვს, რომ ეს შეიძლება აღმოჩნდეს მნიშვნელოვანი მიღწევა მათთვის, ვისი დიაგნოზიცაა იდიოპათიური ფილტვის ფიბროზი (IPF) და სხვა ფიბროზული დაავადებები, TG2 ინჰიბიტორების განვითარების გზით. ეს დათრგუნავდა ჯვარედინი კავშირების ფერმენტებს, რომლებიც დროთა განმავლობაში გროვდება. ეს ასევე ცნობილია, როგორც ტრანსგლუტამინაზა 2, და აქვს საზიანო გავლენა შინაგან ორგანოებზე, მათ შორის, ფილტვებზე.
ამჟამად, IPF განიხილება, როგორც პროგრესული და შეუქცევადი. იგი გავლენას ახდენს 200,000-დან 300,000-მდე ადამიანზე მთელ მსოფლიოში. ყოველწლიურად მხოლოდ დიდ ბრიტანეთში 6000 ახალი შემთხვევა ფიქსირდება. პაციენტების უმეტესობა დაახლოებით 70 წლის მამაკაცია, მაგრამ ბევრად უფრო ახალგაზრდებშიც გვხვდება ეს დიაგნოზი.
Isterian-ის სტრატეგია, რომელიც წამლის მოსახერხებელ დიზაინს აერთიანებს, სინთეზირებული მცირე მოლეკულების ეფექტურ მულტიპარამეტრულ მახასიათებლებთან, შთამბეჭდავი და უაღრესად პროდუქტიული იყო. ,,აღსანიშნავია, რომ ჩვენი ერთ-ერთი უაღრესად ძლიერი და სელექციური TG2 ინჰიბიტორისთვის, ჩვენ პირველად ახლახან ვაჩვენეთ ეფექტურობა ფილტვის ფიბროზში თაგვის მაგალითზე“, – განაცხადა Isterian-ის პრეზიდენტმა და საბჭოს თავმჯდომარემ, მეცნიერებათა დოქტორმა, Georg C Terstappen-მა, PhD. შთამბეჭდავ გუნდთან ერთად წამლების აღმოჩენის ამ უახლესი მიდგომის გამოყენება იმედით განგვაწყობს ამ ახალი კომპანიის მომავლის მიმართ.
ლონდონის მერმა, სადიკ ხანმა, გააფრთხილა მოსახლეობა ჰაერის დაბინძურების შესახებ, რომელიც რამდენიმე დღის განმავლობაში გაგრძელდებოდა. გაფრთხილების მიზანი იყო ქალაქის ყველაზე დაუცველი ნაწილის, მათ შორის, ფილტვების ქრონიკული დაავადების მქონეთა, დახმარება. როდესაც ჰაერის დაბინძურება პიკს აღწევს, გარემოებები და სიმპტომები მძაფრდება, რაც საფრთხეს უქმნის სიცოცხლეს.

სტატიაზე მუშაობდა : თამთა კიკვაძე და გიგი ჭითანავა

წყარო : airqualitynews.com

5 ივლისი 2023 წელი.