ბალახებისა და ხამანწკების მეშვეობით მდინარის გაწმენდა უფრო მაღალ დონეზე გადადის

• ცოტა ხნის წინ მდინარე დელავერში ახალი პროექტი დაიწყეს
• მდინარის შესართავთან რგავენ ეკოსისტემისთვის უმნიშვნელოვანეს სახეობას: ველური ნიახურის ბალახს.
• პროექტის ხელმძღვანელები იმედოვნებენ, რომ ამით მდინარეში ცოცხალი ორგანიზმების პოპულაცია მოიმატებს და წყალიც გასუფთავდება.

ცოტა ხნის წინ, ზაფხულის დილით, ნიუ-ჯერსის მახლობლად, კამდენთან, აშშ-ის გარემოს დაცვის სააგენტოს ორმა მყვინთავმა მდინარე დელავერის ზედაპირიდან 10 ფუტის სიღრმეში მდებარე ნალექის ნაწილთან ჩაყვინთა. მდინარის შესართავთან ორ ფუტზე ნაკლებ ხილვადობაში ისინი რგავდნენ ეკოსისტემისთვის უმნიშვნელოვანეს სახეობას: Vallisneria americana-ს, ან ველური ნიახურის ბალახს. ერთ მყვინთავს ეჭირა GoPro-ის ციფრული კამერა, ფანარი და აკანკალებული ხელით გადაღებულ კლიპში აღბეჭდა, როგორ ირხეოდნენ თხელი, ლენტის მსგავსი ღეროები დინებასთან ერთად.

მყვინთავების ბუშტების ზედაპირზე ამოსვლას EPA-ის ნავიდან უყურებდა ენტონი ლარა, სათავგადასავლო აქვარიუმის, წყლის მეცნიერებათა ცენტრის ექსპერიმენტული პროგრამების ხელმძღვანელი, რომელიც ამ მცენარეებს თვეების განმავლობაში ავზებში ზრდიდა, ზამთრის კვირტებიდან დაწყებული, დაახლოებით, 24 ინჩის სიგრძის მომწიფებულ ბალახებამდე.

”ეს ცოტა ნერვებისმომშლელია”, – თქვა მან ბალახების ველურ ბუნებაში გაშვების შესახებ, სადაც ისინი, შესაძლოა, კონკურენტ მცენარეებს გაეძევებინათ ან იხვს შეეჭამა, მაგრამ ეს ცხოვრებაა.”

ეს იყო ახალი აღდგენის პროექტის პირველი დანერგვა, რომელსაც ხელმძღვანელობდა Upstream Alliance, არაკომერციული ორგანიზაცია, რომელიც ორიენტირებულია საზოგადოებრივ ხელმისაწვდომობაზე, სუფთა წყალსა და სანაპიროს გამძლეობაზე: დელავერის, ჰადსონისა და ჩესაპიკის წყალსატევებში. წყლის მეცნიერებათა ცენტრთან თანამშრომლობით და EPA-ის შუა ატლანტიკური გუნდის,  თევზისა და ველური ბუნების ეროვნული ფონდის მხარდაჭერით, ალიანსი მუშაობს შესართავის ტერიტორიების ხელახლა დასახლებაზე ველური ნიახურის ბალახის მეშვეობით, რომელიც მტკნარი წყლის ეკოსისტემებისთვის სასიცოცხლოდ მნიშვნელოვანი მცენარეა. ეს არის იმ ბუნებრივი აღდგენის ახალ პროექტებს შორის ერთ-ერთი, რომლებიც ფოკუსირებულია მცენარეებისა და ველური ბუნების გაძლიერებაზე, წყლის ხარისხის გაუმჯობესებას მდინარე დელავერში, რომელიც უზრუნველყოფს სასმელ წყალს დაახლოებით 15 მილიონი ადამიანისათვის.

სტატიაზე მუშაობდა : ანა ქავთარაძე და გიგი ჭითანავა

წყარო : www.enn.com