ავტომობილის გამონაბოლქვს ტვინის უჯრედების დაზიანება შეუძლია

• ავტომობილის გამონაბოლქვში შემავალი ქიმიკატები აქვეითებს ტვინის ისეთ უნარებს, როგორებიცაა: ახალი ინფორმაციის ათვისება, გადაწყვეტილების მიღება, მახსოვრობა.
• ავტომობილის გამონაბოლქვი არა მხოლოდ მძღოლებს ვნებს, არამედ ადამიანებს, რომლებიც გადატვირთული საავტომობილო გზის ახლოს ცხოვრობენ და მათ, ვინც დიდ დროს ატარებს ინდუსტრიულ ქალაქებში.
• ავტომობილის გამონაბოლქვი აქვეითებს მცირეწლოვანი ბავშვების ინტელექტუალურ შესაძლებლობებს.

კიდევ ერთი მიზეზი, თუ რატომ უნდა ავარიდოთ თავი ავტომობილით მგზავრობას – არაერთი ჩატარებული კვლევა, რომლებიც გამომცემლობა Wall Street Journal-მა გამოაქვეყნა, ადასტურებს, რომ ავტომობილის გამონაბოლქვს ტვინის უჯრედების დაზიანება შეუძლია.

ის ქიმიკატები, რომლებიც მანქანებისა და სატვირთო ავტომობილების გამონაბოლქვის შემცველობაშია, ადამიანის თავის ტვინზე გაზომვად უარყოფით გავლენას ახდენს და აქვეითებს მის ისეთ უნარებს, როგორებიცაა:

ახალი ინფორმაციის ათვისება, გადაწყვეტილების მიღება, მახსოვრობა.

კვლევამ ისიც დაადგინა, რომ ავტომობილის გამონაბოლქვი მხოლოდ მძღოლებზე არ ახდენს უარყოფით გავლენას, იგი მნიშვნელოვნად ვნებს ადამიანებს, რომლებიც გადატვირთული საავტომობილო გზის ახლოს ცხოვრობენ და მათ, ვინც დიდ დროს ატარებს ინდუსტრიულ ქალაქებში.

სამწუხაროდ, ავტომობილის გამონაბოლქვი აქვეითებს მცირეწლოვანი ბავშვების ინტელექტუალურ შესაძლებლობებსაც (დასკვნა გაკეთდა სხვადასხვა ტიპის IQ ტესტების ჩატარების საფუძველზე). აგრეთვე, ბავშვებს, რომლებიც ავტომობილის გამონაბოლქვით დაბინძურებულ გარემოში ცხოვრობენ, უფრო მეტად აქვთ მიდრეკილება დეპრესიისა და შფოთვისკენ იმ ბავშებთან შედარებით, რომლებიც ჯანმრთელობისთვის უსაფრთხო გარემოში არიან.

თუმცა არის კარგი ამბავიც – როდესაც ავტომობილები სწრაფად გადაადგილდებიან, ავტომობილის გამონაბოლქვი კლებულობს. ამიტომ საჭიროა ისეთი ურბანული ინფრასტრუქტურის შემუშავება, რომელიც მაქსიმალურად შეამცირებს საავტომობილო საცობების წარმოქმნის შანსს.

შედარებისთვის მნიშვნელოვანია ვიცოდეთ, რომ ბუნებაში გატარებული დრო აუმჯობესებს ჩვენს განწყობას, ამცირებს სტრესს და აძლიერებს იმუნურ სისტემას.

აღნიშნული სტატია შექმნილია ევროკავშირის მხარდაჭერით. მის შინაარსზე სრულად პასუხისმგებელია ორგანიზაცია „ჩემი ქალაქი მკლავს“ და შესაძლოა, რომ იგი არ გამოხატავდეს ევროკავშირის შეხედულებებს

This article has been produced with the assistance of the European Union. Its contents are the sole responsibility of  the organization “My City Kills” and do not necessarily reflect the views of the European Union.

სტატიაზე მუშაობდა : ნინი თოიძე

წყარო : www.alive.com