ავსტრალია წყალბადის ავტობუსების წარმოებას იწყებს
2021 წლიდან, მსოფლიოში წყალბადის ავტობუსები, ე.წ. სუპერბასები (Superbus) გამოჩნდებიან. Hyzon Motors–მა და Warpforge–მა ხელი მოაწერეს მემორანდუმს, რომლის მიხედვითაც წყალბადის ავტობუსების წარმოება დასავლეთ ავსტრალიაში, Warpforge–ის ობიექტებში დაიწყება. ავსტრალიის სპეციალიზებული მედია (Busnews) ინფორმაციას ავრცელებს, რომ Hyzon Motors–მა ცოტა ხნის წინ ევროპული ქარხნის მშენებლობა ნიდერლანდებშიც (გროენინგენი) დაიწყო.
Warpforge არის სამრეწველო ტექნოლოგიური კომპანია, რომელიც ორიენტირებულია მსუბუქი მასალის გამოყენებასა და რობოტული წარმოების დანერგვაზე. მემორანდუმის ფარგლებში წარმოებული წყალბადის ავტობუსი საგრძნობლად შეამცირებს საწვავის ხარჯს და ბევრად უფრო მსუბუქიც იქნება.
Hyzon Motors-ი ოფიციალურად გაიხსნა 2020 წლის მარტში და წყალბადის მძიმე მანქანების წარმოებაზეა ორიენტირებული. კომპანიის წარმომადგენლებმა განაცხადეს, რომ მანქანების სერიული წარმოება (სატვირთო მანქანები და ავტობუსები) 2020 წლის ბოლოდან დაიწყება.კრეიგ ნაითმა, Hyzon-ის თანადამფუძნებელმა და აღმასრულებელმა დირექტორმა აღნიშნა: „მოხარულნი ვართ, რომ ვთანამშრომლობთ Warpforge-ის დონის ინოვატორთან და ამ შეთანხმებას ვხედავთ, როგორც პირველ ნაბიჯს ხანგრძლივი და ნაყოფიერი პარტნიორობისთვის. ეს თანამშრომლობა ხელს შეუწყობს წყალბადის ტრანსპორტის მობილობას, საბოლოოდ კი მივიღებთ ნულოვან გამონაბოლქვს, რასაც ჩვენი კომერციული მანქანები უზრუნველყოფს.“
Warpforge-ის აღმასრულებელმა თავმჯდომარემ ბრაიან მელონიმ კი განაცხადა: ”მოხარულნი ვართ, რომ მივიღეთ შეთანხმება წყალბადის ავტობუსების შექმნასთან დაკავშირებით და ველოდებით პარტნიორობის განვითარებას. Warpforge იზიარებს Hyzon–ის ხედვას სამეცნიერო ინოვაციების შესახებ და აღფრთოვანებულია, რომ შემუშავდება ინფორმაციული ბაზა დაინტერესებული მხარეებისთვის.“
ამ დროისთვის Hyzon Motors-ი თავის ვებ–გვერდზე რამდენიმე სურათს გვთავაზობს მომავალი მანქანების შესახებ.
სტატიაზე მუშაობდა : თეკა გრამატოპულო და ანა კუხაშვილი
This is very interesting, You’re a very skilled blogger. I’ve joined your rss feed and look forward to seeking more of your wonderful post. Also, I have shared your site in my social networks!
Thanks for sharing. I read many of your blog posts, cool, your blog is very good.