#არაქვაჭრა – საკანონმდებლო ინიციატივა პარლამენტში

2024 წლის 14 მარტს მოძრაობის „ჩემი ქალაქი მკლავს“/“მწვანე პოლუსის“ გუნდის წევრებმა საქართველოს პარლამენტში წარვადგინეთ ინიციატივა საქართველოს მასშტაბით იურიდიული პირებისთვის ქვის მშრალი მეთოდით დამუშავების შემთხვევებზე ჯარიმის ოდენობა არსებული 1000₾-დან 5000₾-მდე გაიზარდოს. ჩვენი გუნდი 2018 წლიდან მუშაობს ქვის მშრალი მეთოდით დამუშავების მონიტორინგის საკითხზე, ჩვენი ჩართულობით ასობით ოფიციალური განცხადება და შეტყობა გაიგზავნა შესაბამისი ქალაქის მუნიციპალურ ინსპექციაში კანონდარღვევის შემთხვევების დაფიქსირებისა და აღმოფხვრისათვის. ქვის მშრალი მეთოდით დამუშავება სამშენებლო კომპანიებში დასაქმებულ ადამიანებში ფილტვის დაავადებისა და სილიკოზის განვითარების ერთ-ერთი მთავარი მიზეზია, რაც ჩვენმა გუნდმა ზემოხსენებულ სექტორში დასაქმებული ადამიანების ჯანმრთელობის გამოკვლევითაც დაადასტურა.

აღსანიშნავია, რომ ქვის მშრალი მეთოდით დამუშავებისთვის ჯარიმის ოდენობა თითქმის ყველა იმ დანადგარის საფასურს ჩამოუვარდება, რომლის შეძენაც ქვის სველი მეთოდით დამუშავებისთვის იქნებოდა საჭირო. აღნიშნულიდან გამომდინარე, ჯარიმის გაზრდის შესახებ კანონპროექტი „მწვანე პოლუსის“ იურისტმა, ვახტანგ ბარამაშვილმა, მოამზადა. მომდევნო რამდენიმე თვის განმავლობაში იგეგმება კანონპროექტის განხილვა.