ანგარიში იკვლევს სკოლის ქუჩის სქემების ეფექტურობას

• პანდემიის დროს შეიქმნა ბევრი სკოლის ქუჩა დროებითი და გადაუდებელი ზომების სახით მთელ ლონდონში სოციალური დისტანცირების, ჰაერის ხარისხის გაუმჯობესებისა და სკოლაში აქტიური მოგზაურობის წახალისების მიზნით.
• ჩატარდა კვლევა, რომელიც ფოკუსირებული იყო სკოლის ქუჩის ორ სქემაზე ლონდონის დაბა ჰაკნისში. კვლევა მათ გავლენასა და ეფექტურობას აფასებდა.
• ეს ანგარიში გვიჩვენებს, თუ რატომ არის სასიცოცხლოდ მნიშვნელოვანი ამ კურსის შენარჩუნება და სკოლის ქუჩების მუდმივი ფუნქციონირება ლონდონის ყველა უბანში.

ახალმა მოხსენებამ დაადგინა, რომ სკოლის ქუჩები იწვევს სატრანსპორტო საშუალებების მოძრაობის მნიშვნელოვან შემცირებას როგორც დაკეტვის დროს, ასევე მთელი დღის განმავლობაში, ფეხით მოსიარულეთა რიცხვისა და სივრცის გამოყენების მინიმალური ცვლილებით.

პანდემიის დროს შეიქმნა ბევრი სკოლის ქუჩა დროებითი და გადაუდებელი ზომების სახით მთელ ლონდონში სოციალური დისტანცირების, ჰაერის ხარისხის გაუმჯობესებისა და სკოლაში აქტიური მოგზაურობის წახალისების მიზნით.

არაკომერციული Cross River Partnership (CRP) და ვესტმინსტერის უნივერსიტეტის აქტიური მოგზაურობის აკადემიის კვლევა ფოკუსირებული იყო სკოლის ქუჩის ორ სქემაზე ლონდონის დაბა ჰაკნისში. ის აფასებდა მათ გავლენასა და ეფექტურობას.

ანგარიშმა აღმოაჩინა, რომ რამდენიმე ჯანსაღი ქუჩის ინდიკატორი სკოლის ქუჩებზე გაუმჯობესებულიყო.

ასა თომასმა, ვესტმინსტერის უნივერსიტეტის დოქტორმა მკვლევარმა, რომელმაც დაწერა მოხსენება, თქვა: „ტრანსპორტის ინტენსივობისა და აქტიური მოგზაურობის ამ მდიდარ მონაცემთა ბაზაზე მუშაობამ ორ სკოლაში აჩვენა ის, თუ როგორ შეუძლიათ ამ დროებით შეზღუდვებს შეცვალოს ხალხის მიერ ქუჩების გამოყენება. ეს აღმოჩენები, იმედია, სასარგებლო იქნება პრაქტიკოსებისთვის, რომლებიც ცდილობენ გაიგონ, რა გავლენა შეიძლება იქონიოს სკოლის ქუჩებმა იმ გარემოზე, რომლითაც ბავშვები სარგებლობენ სკოლაში მისვლისას.

მოხსენებაში მოცემულია ოთხი რეკომენდაცია სკოლის ქუჩების დადებითი ეფექტის გასაძლიერებლად:

• მთელი სკოლისა და მთელი მარშრუტის მიდგომა.
• ტრანსპორტის ინტენსივობის ეფექტურად შემცირება აღსრულებისა და გამონაკლისების მეშვეობით.
• სქემის დასრულება საჯარო სფეროს შეცვლით.
• სქემის საკითხების შემუშავება და მათზე რეაგირება სიღრმისეული მონიტორინგისა და შეფასების გზით.

სუზანა უილკსმა, CRP-ის დირექტორმა, კომენტარი გააკეთა: „CRP ნამდვილად მოხარულია, გამოუშვას ეს მნიშვნელოვანი მოხსენება „სკოლების ქუჩების გაჯანსაღების შესახებ“ ვესტმინსტერის უნივერსიტეტის აქტიური მოგზაურობის აკადემიასთან ერთად. პანდემიამ აიძულა  სკოლის დამატებითი ქუჩების სწრაფი შექმნა. ეს ანგარიში გვიჩვენებს, თუ რატომ არის სასიცოცხლოდ მნიშვნელოვანი ამ კურსის შენარჩუნება და სკოლის ქუჩების მუდმივი ფუნქციონირება ლონდონის ყველა უბანში.’

სტატიაზე მუშაობდა : თეონა ქავთარაძე და დეა კუსიანი

წყარო : airqualitynews.com