გარემოსდამცველები მდინარე კოლორადოს დაშრობისაგან გადასარჩენად მოქმედებისკენ მოგვიწოდებენ

• გლენ კანიონის კაშხლის გაუმართავობა შეიძლება გახდეს კოლორადოს მდინარის შენაკადების დაშრობის წინაპირობა, იუწყება ანგარიში
• ტბა პაუელის დონე რეკორდული სისწრაფით იკლებს, რაც გამოიწვევს ჰიდროენერგიის გამომუშავების შეწყვეტას
• ანგარიშის ავტორები მოუწოდებენ ფედერალურ მთავრობას, რომ დააფინანსოს კაშხლის რეკონსტრუქცია და მშენებლობა, რათა „თავიდან აიცილოს წყლის მიწოდების კრიზისი“

იუტას მდინარეების საბჭოს, გლენ კანიონის ინსტიტუტისა და დიდი წყლის აუზის ქსელის უახლესი ანგარიში მთავრობას მოუწოდებს მოქმედებისაკენ, რათა  შეაკეთონ გლენ კანიონის კაშხლის გაყვანილობა. ანგარიშის თანახმად, უმოქმედობა შესაძლოა გახდეს  კოლორადოს მდინარის ნაწილების, კერძოდ კი,  შენაკადების დაშრობის წინაპირობა, რომელიც გადის გრანდ კანიონზე.

გლენ კანიონის კაშხალი მდებარეობს კოლორადოს მდინარის გასწვრივ და გრანდ კანიონის ზემოთ. 50 წლის კაშხალი, ასევე, პასუხისმგებელია ტბა პაუელის შექმნაზე, რომლის წყლის დონემაც ცოტა ხნის წინ რეკორდულად დაიკლო და 46 ფუტიღა აშორებს ჰიდროენერგიის წარმოების შეწყვეტისგან. წყლის მინიმალური დონეა 3.490 ფუტი, ტბა კი ახლა ზღვის დონიდან 3.536 ფუტზეა, რაც მისი სიმძლავრის მხოლოდ 25%-ია.

ტბაში წყლის დაბალი დონის პირობებში, გლენ კანიონის კაშხალს არ შეუძლია წყლის გადაადგილება მდინარის ქვედა მიმართულებით, სადაც ის უნდა შეუერთდეს ტბა მიდსა და გრანდ კანიონს.

„ეს იმიტომ, რომ ჰიდროენერგიის წყალსატევები რომელიც მდინარე კოლორადოს 100-წლიანი, შემაერთებელი წყლის მიწოდების ვალდებულებების შესრულების ძირითადი საშუალებაა, შედეგად კი ის გამოუსადეგარი გახდება წყლის ამჟამინდელი დონის მხოლოდ 45 ფუტით დაკლებისას“, ნათქვამია მოხსენებაში.

დოკუმენტში აღნიშნულია ისიც, რომ პრობლემის ნაწილია კაშხლის უძველესი გაყვანილობა – მილები, რომლებიც არ არის აღჭურვილი ჰიდროენერგიის წარმოებისთვის ან წყლის დიდი რაოდენობის ეფექტური გადაადგილებისთვის. სათანადო ინფრასტრუქტურის გარეშე, კაშხალმა შესაძლოა გავლენა იქონიოს კომუნალურ მომხმარებლებზე, რომლებიც დამოკიდებული არიან ჰიდროელექტროსადგურის მიერ გამომუშავებულ ელექტროენერგიაზე.

უფრო მეტიც, წყლის დაბალმა დონე შესაძლოა აისახოს ფერმერებზეც, რომლებიც სარწყავ წყალს საჭიროებენ და შეიძლება, წყალმომარაგების გარეშე დატოვოს ბევრი მუნიციპალიტეტი ამერიკის სამხრეთ-დასავლეთით და მექსიკის გარშემო. როგორც E&E ნიუსი იტყობინება, თუ წყლის დონე იმაზე ქვემოთ დაეცემა, რაც საჭიროა ჰიდროენერგიის საწარმოებლად, კაშხალს შეეძლება მაქსიმუმ 3.5 მილიონი ფუტი წყლის გამოშვება. 1922 წლის კოლორადოს მდინარის შენაკადი, მდინარის რესურსებს ჰყოფს შვიდ შტატს შორის, რომელთაგან თითოეულმა უნდა მიიღოს 7,5 მილიონი აკრ-ფუტი წყალი, რომელიც დაფუძნებულია 16 მილიონიან აკრ-ფუტ მდინარეზე. ამჟამინდელი შეფასებით, მდინარე შეიძლება იყოს მხოლოდ 11 მილიონი აკრ-ფუტი.

ანგარიშის ავტორები მოუწოდებენ ფედერალურ მთავრობას, რომ დააფინანსოს კაშხლის რეკონსტრუქცია და მშენებლობა, რათა „თავიდან აიცილოს წყლის მიწოდების კრიზისი“. ისინი ითხოვენ სასწრაფო მოქმედებას, რადგან, მათი შეფასებით, კაშხალმა, გაუმჯობესების გარეშე, შეიძლება შეწყვიტოს წყლის მოძრაობა 2025 წლისთვის.

სამელიორაციო ბიუროს სპიკერის თქმით, ამჟამად საჭიროა 2 მილიონი დოლარი, რათა შეისწავლონ კაშხლისათვის მეტი წყლისა და ენერგიის მიწოდების გზები.

ანგარიში სრულდება სიტყვებით: „ახლა არის დრო, ვიმოქმედოთ ჩვენი მომავლისთვის“.

სტატიაზე მუშაობდა : თაკო ჩუმაშვილი და ლედი ბოჟაძე

წყარო : www.ecowatch.com