ესპანეთში ბოლო 20 წლის განმავლობაში ყველაზე ცხელი წინასაზაფხულო სითბური ტალღების პერიოდია

• სევილიაში ჰაერის ტემპერატურამ 40 გრადუსს მიაღწია
• სამხრეთ ესპანეთის რეგიონებში მოსალოდნელია ტემპერატურის 43 გრადუსამდე ზრდა
• ამგვარი სიცხის მიზეზია ჩრდილოეთ აფრიკიდან მომავალი ცხელი ჰაერის ღრუბელი

სევილია, ესპანეთი, 11 ივნისი (როიტერსი) – სამხრეთ სევილიაში, შაბათს დღეს, მარაოს გამყიდველების ბიზნესი საკმაოდ სარფიანად მიდიოდა, რადგან ესპანეთი ბოლო 20 წლის განმავლობაში ყველაზე ცხელი წინა საზაფხულო სითბური ტალღებისაგან იწვის.

მეეტლეები წყლით აგრილებდნენ ცხენებს, რომლებიც ასეირნებენ ტურისტებს სევილიის ისტორიული ღირსშესანიშნაობების დასათვალიერებლად – მაგ. რეალ ალკაზარის სასახლე და პლაზა დე ესპანია.

ნაციონალური მეტეოროლოგიური ოფისის (AEMET) განცხადებით, შაბათს სევილიაში მდებარე მდინარე გუადალკივირის ხეობასა და მის ახლომდებარე ქალაქ კორდობაში ჰაერის ტემპერატურამ 40 გრადუს ცელსიუსს (104 ფარენჰაიტი) მიაღწია.

მოგვიანებით, შაბათსვე, სინოპტიკოსებმა ივარაუდეს, რომ გუადიანას ხეობაში – ექსტრემადურაში – და სამხრეთ ესპანეთის დანარჩენ ნაწილებში ტემპერატურა შეიძლება 42 გრადუსამდეც (108 ფარენჰეიტი) გაიზარდოს.

შეიძლება, სამხრეთ ესპანეთის ზოგიერთ ნაწილში, კვირას სითბური ტალღა უფრო ინტენსიური გახდეს, რადგან ტემპერატურა სავარაუდოდ 43 გრადუსს მიუახლოვდება.

AEMET-ის სინოპტიკოსების თქმით, ტემპერატურის მატებას იწვევს ჩრდილოეთ აფრიკიდან წამოსული ცხელი ჰაერის ღრუბელი და სულის შემხუთველი სიცხე შეიძლება 15 ივნისამდეც გაგრძელდეს; 6 დღით ადრე,  ვიდრე ზაფხული ოფიციალურად დაიწყება (21 ივნისს).

ასევე, სინოპტიკოსები ესპანეთის ზოგიერთ ნაწილში ვარაუდობენ ძლიერ ქარსა და შტორმს.

სტატიაზე მუშაობდა : თამთა კიკვაძე და ლელა რატიანი

წყარო : www.reuters.com