მალე აიოვაში სასმელი წყლის მდგრად ორგანულ დამაბინძურებლებზე შემოწმება დაიწყება

• აშშ-ში ჩატარებული კვლევების მიხედვით, მოსახლეობის 95 პროცენტს ორგანიზმში მდგრადი ორგანული დამაბინძურებლების დაფიქსირებადი დოზა აღენიშნება.
• 2013-2015 წლების კვლევების შემდეგ აშშ-ის გარემოსდაცვითმა სააგენტომ შეცვალა წყალში ,,სამუდამო ქიმიკატების“ დასაშვები ნორმის სტანდარტები – წარსულში არსებული ნორმა, რომელიც იყო 400 ნაწილაკი ყოველ ტრილიონზე შემცირდა 70 ნაწილაკამდე ყოველ ტრილიონზე.
• აშშ-ის გარემოსდაცვითი სააგენტო სამომავლოდ გეგმავს სპეციფიკური ტაფების, ლაქების საწინააღმდეგო საფარის მქონე ავეჯისა და ტანსაცმლის მავნე დამაბინძურებლებზე შემოწმებას.

აიოვას შტატის სახელმწიფო მოხელეები აანონსებენ წყლის ხარისხის შემოწმების ლიმიტირებულ პროგრამას, რომლის ფარგლებშიც წყალი, პირველ რიგში, მდგრად ორგანულ დამაბინძურებლებზე შემოწმდება, რომლებიც ადამიანის ორგანიზმში სიმსივნური უჯრედების წარმოქმნას უწყობს ხელს.

ე.წ. ,,სამუდამო ქიმიკატების“ უმეტესობა სხვადასხვა პროდუქტის შემცველობაში შედის მისი წყლისადმი, სიცხისა და ცხიმისადმი გამძლეობის გამო. მათი ქიმიური ბმები იმდენად ძლიერია, რომ მეცნიერებს უჭირთ იმის თქმა, თუ რამდენი ხანი დასჭირდება ასეთი ქიმიკატების დაშლას გარემოში.

აშშ-ში ჩატარებული კვლევების მიხედვით, მოსახლეობის 95 პროცენტს ორგანიზმში მდგრადი ორგანული დამაბინძურებლების დაფიქსირებადი დოზა აქვს.

როჯერ ბრუნერი, აიოვას ნატურალური რესურსების დეპარტამენტის წყლის ხარისხის პროგრამის კურატორი, აცხადებს, რომ მთელი შტატის მასშტაბით წყლის დაბინძურების რისკი საკმაოდ დაბალია, თუმცა საჭიროა დასკვნები ლაბორატორიული შედეგების მიღების შემდეგ გაკეთდეს.

დეპარტამენტში წყლის ხარისხის პროგრამა ორი წლის წინ დაიწყო მოსახლეობის წუხილის საფუძველზე – სასმელ წყალში დამაბინძურებლების რაოდენობა ბოლო ორი დეკადის განმავლობაში გაზრდილიყო. მაგალითისთვის, 2001 წელს ვირჯინიის შტატის ათასობით მაცხოვრებელმა უჩივლა ქიმიკატების მწარმოებელ კომპანია DuPont-ს, რომელიც სასმელ წყალს ქიმიური ნარჩენებით წამლავდა. სამართლებრივი დავა $670 მილიონი დოლარის ჯარიმას გულისხმობდა.

აიოვაში პირველი კვლევები წყლის ხარისხთან მიმართებით ფედერალური მონიტორინგის პროგრამის ფარგლებში 2013-2015 წლებში ჩატარდა. ამ ტესტებით დაბინძურება არ დაფიქსირდა.

ამის შემდეგ აშშ-ის გარემოსდაცვითმა სააგენტომ შეცვალა წყალში ,,სამუდამო ქიმიკატების“ დასაშვები ნორმის სტანდარტები – წარსულში არსებული ნორმა, რომელიც იყო 400 ნაწილაკი ყოველ ტრილიონზე შემცირდა 70 ნაწილაკამდე ყოველ ტრილიონში.

სააგენტო სამომავლოდ გეგმავს სპეციფიკური ტაფების, ლაქების საწინააღმდეგო საფარის მქონე ავეჯისა და ტანსაცმლის იმავე დამაბინძურებლებზე შემოწმებას. ასევე, იგიგმება შესასწავლი ქიმიკატების სიის გაზრდა და მათი დასაშვები სტანდარტების არსებული ვითარების შესაბამისად მოდიფიცირება.

სტატიაზე მუშაობდა : ნინი თოიძე

წყარო : www.timesrepublican.com