ლოქდაუნმა დახურულ სივრცეებში ჰაერის დაბინძურების ზრდა გამოიწვია
- დახურულ სივრცეებში ჰაერის ხარისხი ლოქდაუნის დროს გაუარესდა გაერთიანებულ სამეფოში, ევროპასა და ამერიკის შეერთებულ შტატებში.
- მკვლევრებმა გაიგეს, რომ ევროპასა და აშშ-ში შეინიშნებოდა CO2-ის დონის მნიშვნელოვანი ზრდა მარტში, როცა პირველი ლოქდაუნი გამოცხადდა და ასევე შემოდგომით, როცა დაიწყო მეორე ტალღა.
- კვლევა აჩვენებს, რა გავლენა მოახდინა სახლიდან მუშაობამ და ლოქდაუნმა ჰაერის დაბინძურების მაჩვენებელზე
Airthings-ის ცნობით, დახურულ სივრცეებში ჰაერის ხარისხი ლოქდაუნის დროს გაუარესდა გაერთიანებულ სამეფოში, ევროპასა და ამერიკის შეერთებულ შტატებში.
იმისათვის, რომ გაეგოთ, რა გავლენა მოახდინა სახლიდან მუშაობამ და ლოქდაუნმა ჰაერის დაბინძურებაზე, ანალიტიკოსებმა გამოიკვლიეს CO2– ის დონის ცვლილების ტენდენცია სამუშაო საათებში.
მოგეხსენებათ, CO2 სათბურის აირია, რომელიც უვნებელია მცირე რაოდენობით, თუმცა მისი რაოდენობის ზრდამ დახურულ სივრცეებში შესაძლოა გამოიწვიოს ადამიანების დაბალი პროდუქტიულობა და შემეცნებითი უნარების დაქვეითება.
მკვლევრებმა გაიგეს, რომ ევროპასა და აშშ-ში შეინიშნებოდა CO2-ის დონის მნიშვნელოვანი ზრდა მარტში, როცა პირველი ლოქდაუნი გამოცხადდა და ასევე შემოდგომით, როცა დაიწყო მეორე ტალღა.
გაერთიანებულ სამეფოში ნახშირორჟანგის მოცულობა 25%-ით გაიზარდა ნოემბერში, მეორე ლოქდაუნისას.
მეცნიერებმა ასევე გამოიკვლიეს არასტაბილური ორგანული ნაერთების დონეც. ამ ნაერთებში მოვისაზრებთ იმ აირებს, რომლებიც გამოიყოფა ყოველდღიური საყოფაცხოვრებო ნივთებისა და პროდუქტებისაგან, როგორებიცაა: საღებავები, ახალი ავეჯი, საწმენდი სითხეები და სხვა.
მოკლე დროში ეს ორგანული ნაერთები იწვევენ თავის ტკივილს, თვალის, ცხვირისა და ყელის გაღიზიანებას, ხოლო მოგვიანებით შეუძლიათ გამოიწვიონ ღვიძლისა და თირკმელების დაზიანება.
მკვლევრებმა დაადგინეს, რომ გერმანიაში 2020 წლის ბოლოსთვის ამ ორგანული ნაერთების რაოდენობა 7%-ით გაიზარდა მარტთან შედარებით. ასეთივე ტენდენცია შეიმჩნეოდა გაერთიანებულ სამეფოშიც.
კვლევაში მონაწილე ერთ-ერთმა მეცნიერმა განაცხადა: „დიდი ბრიტანეთის ბავშვების უმეტესობა სკოლაში საშუალოდ კვირაში 35 საათს ატარებს და ისინი დაბინძურების მიმართ საზოგადოების ყველაზე მგრძნობიარე წევრები არიან. ამიტომ ჩვენ ყველანაირად ვცდილობთ, გავაუმჯობესოთ და ვაკონტროლოთ ჰაერის ხარისხი ბრიტანეთის სკოლებში და ავამაღლოთ ცნობიერება ეკოლოგიასთან დაკავშირებულ საკითხებში.
სტატიაზე მუშაობდა : დეა კუსიანი
წყარო : airqualitynews.com