ჰაერის დაბინძურება ახლა უფრო მაღალია, ვიდრე პანდემიამდე იყო
ჰაერის დაბინძურებამ პანდემიამდე არსებულ ნიშნულს გადააჭარბა, მიუხედავად იმისა, რომ ქვეყნების 98%-ში კარანტინი ან/და საგანგებო მდგომარეობაა გამოცხადებული. ამ ფაქტს, ინგლისური კვლევითი ორგანიზაცია “Center of Cities”-ის ახალი კვლევა ამტკიცებს.
გაზაფხულზე, ვირუსის პირველი ტალღის დროს, გამოწვეულმა რეგულაციებმა გვაჩვენა აზოტის ოქსიდის (NO2) 38%-იანი კლება 49 სხვადასხვა ქალაქში.
მაგრამ, ზოგ ქალაქში, მაგალითად ბარნსლიში (Barnsley), ბორნმაუსსა (Bournemouth) და პორტსმუსში (Portsmouth) აზოტის ოქსიდის დონე სექტემბერში პრეპანდემიურ დონეს აჭარბებდა.
ჰაერის დაბინძურების ზრდა პირად სატრანსპორტო საშუალებებზე გადასვლამ გამოწვია. “Centre for Cities”-ს ცნობით, ნათელია, რომ ხალხმა საზოგადოებრივ ტრანსპორტზე უარი, Covid-19-სგან თავის ასარიდებლად თქვა.
მარტის შემდეგ, სხვადასხვა საბჭომ, მათ შორის Leeds, Bristol და Sheffield-მა შეაჩერა ჰაერის დაბინძურების საწინააღმდეგოდ მიმდინარე გეგმები, რაც ჰაერის ხარისხის გაუმჯობესების შედეგი იყო.
Covid-19 გავრცელების რისკები ეტაპობრივად მცირდება, შესაბამისად მომავალ წელს ცხოვრება ნორმას დაუბრუნდება. ორგანიზაცია, ქალაქის მერებსა და საბჭოს ხელმძღვანელებს მოუწოდებს, ზომები მიიღონ, ხალხის საზოგადოებრივზე ტრანსპორტზე გადაყვანის ხელშესაწყობად. ეს ზომებია:
- მანქანის მეპატრონეებისთვის, გარკვეული გადასახადის დაწესება, ეკოლოგიურად სუფთა ადგილებში გადაადგილებისას;
- საზოგადოებრივი ტრანსპორტის სისტემების გაუმჯობესება;
- ქვეითთა და ველოსიპედისტთა ინფრასტრუქტურის განვითარება.
“Center of Cities” აღმასრულებელი დირექტორი ამბობს: „ჰაერის დაბინძურება გავლენას ახდენს Covid პაციენტების სიკვდილიანობაზე. პანდემიის დასრულების შემდეგაც, ჰაერის დაბინძურებით გამოწვეული სიკვდილიანობა დიდ საფრთხედ დარჩება, განსაკუთრებით კი ურბანულ სივრცეებში. ქალაქის მმართველებს შეუძლიათ ამ საფრთეების წინააღმდეგ ეფექტური ზომების მიღება, თუმცა პოლიტიკური ნებაა საჭირო. მანქანების შეზღუდვა, მოკლევადიან პერსპექტივაში არაპოპულარული გადაწყვეტილებაა, თუმცა თუ მანქანების შეზღუდვას დაემატება სწორი საზოგადოებრივი სატრანსპორტო პოლიტიკა, მომავალში ეს დადებითად აისახება დიდი ქალაქების როგორც ეკოლოგიურ, ისე ეკონომიკურ მდგომარეობაზე. ჩვენ მივიღებთ საცხოვრებლად უკეთეს და უსაფრთხო ქალაქებს. დღეს, პოლიტიკოსებმა ეს პრობლემა არ უნდა გადადონ.“
სტატიაზე მუშაობდა : შაკო ღლონტი და ანა კუხაშვილი