უფრო მეტად მომაკვდინებელი ვიდრე მრავალწლიანი ომის შედეგები.

მსოფლიოში ყველაზე დაბინძურებულ ქალაქებს შორის ერთ-ერთი არის ქაბული. ქალაქი, სადაც გართულებულია ხილვადობა ჰაერის დაბინძურების გამო. სტატისტიკის მიხედვით დაახლოებით 40 ათასი ადამიანი კვდება წელიწადში ზემოთ აღნიშნული პრობლემის გამო  ავღანეთში, ეს  ციფრი ბევრად უფრო მაღალია, ვიდრე ომში ან ტერორისტული აქტის დროს დაღუპულთა რიცხვი. კვლევებმა აჩვენა,  რომ  სხვა ქვეყნებისგან განსხვავებით, ქაბულში  ჰაერის დაბინძურებაზე ყველაზე მეტად მოქმედებს ძველი და გაუმართავი  ავტომობილების  გამონაბოლქვი, დიზელის ხშირი მოხმარება, (დაბალი ხარისხის ბენზინი/დიზელი), ქარხნების გაუფილტრავი ნარჩენები, ომის შედეგად განადგურებული ინფრასტრუქტურა, რაც იწვევს ელექტრო ენერგიის ხშირ გამორთვას და მოსახლეობა იძულებულია  დამწვარი პლასტმასის ნარჩენებით მოახდინოს სახლის განათება, საკვების მომზადება და ასევე გათბობა.

ინდირა განდის სახელობის საავადმყოფო, რომელიც განთავსებულია ქაბულში, აქვეყნებს საგანგაშო სტატისტიკას, რომელის  მიხედვითაც  ყველაზე მეტად  დაზარალებულნი არიან ქალები და ბავშვები. ისინი რამდენიმე მიზეზის გამო მიმართავენ კლინიკას  და ეს არის  სასუნთქი გზების მძიმე დაავადება, სიმსივნე და ფილტვის კიბო.

ამ თემასთან დაკავშირებით ავღანეთის  გარემოსდაცვის მინისტრმა გააკეთა კომენტარი: ,, ომმა მთლიანად გაანადგურა ინფრასტრუქტურა. წლების წინ ქაბულში ჰაერი ბევრად უფრო სუფთა და გამჭვირვალე იყო, ამის გამო ძალიან ბევრი ადამიანი საცხოვრებლად  აქ ჩამოვიდა. რამდენიმე წლიანმა ომმა ყველას ყველაფერი დააკარგვინა, მთლიანი ელექტრო ენერგიისა და წყლის  მომარაგების სისტემა განადგურებულია ასევე  საზოგადოებრივი ტრანსპორტიც. ყველაფერი ჩამოშლილია.

თარგმნა : მაია თავაძე

რედაქტირება : ანა ქურდაძე

წყარო : tagesschau.de