სუფთა ჰაერი ქალაქს
რა გზებს მიმართავენ გერმანიის დიდ ქალაქებში ჰაერის ხარისხის გასაუმჯობესებლად
დიდ ქალაქებში ჰაერის დაბინძურების ერთ-ერთ ძირითად მიზეზად ტრანსპორტი ითვლება. გერმანიიაში ყოველწლიურად იმატებს ისეთი პროექტების რიცხვი, რომლებიც ქალაქში ჰაერის ხარისხის გაუმჯობესებას ემსახურება. ეს პროექტები ძირითადად ემყარება ევროპის სხვა ქალაქებში წარმატებით განხორციელებული პროექტებიდან მიღებულ გამოცდილებას.
დიზელზე მომუშავე ავტომობილების აკრძალვა
დღეს ჰაერის დაბინძურების მთავარი მიზეზი აზოტის დიოქსიდის გადაჭარბებული მაჩვენებლებია. მის მატებას კი დიზელზე მომუშავე ავტომობილები იწვევს. აზოტის ოქსიდის ზღვრული მაჩვენებლის გადაჭარბების გამო, 2018 წლიდან, გერმანიის რიგ ქალაქებში, დიზელზე მომუშავე ავტომობილებით გადაადგილება აიკრძალა.
დიდ ქალაქებში განსაკუთრებული ყურადღება ექცევა ადგილობრივი საზოგადოებრივი ტრანსპორტის განვითარებას. მთავრობის მიერ ფინანსდება პროექტები, რომლებიც მიზნად ისახავენ საზოგადოებრივი ტრანსპორტი გახადონ უფრო მიმზიდველი და ამით ჰაერის ხარისხის გაუმჯობესებას შეუწყონ ხელი. ეს ცვლილებები ეხება როგორც ინოვაციურ სატარიფო შეთავაზებებს, ასევე საზოგადოებრივი ტრანსპორტის გადაადგილების სქემას და სიხშირეს, ასევე ველოსიპედების და ელექტრო ტრანსპორტის გაქირავების განვითარებას.
ბოლო პერიოდში, ონლაინ გაყიდვების ზრდის გამო, ამანათების გადამზიდი კომპანიების ტრანსპორტის მოძრაობამაც საგრძნობლად იმატა. ამის დასარეგულირებლად ქალაქის შიგნით, მოკლე მანძილზე ელექტროტრანსპორტის გამოყენებას ცდილობენ.
სტატიაზე იმუშავა : მეგი წერეთელი – სალომე აბუაშვილი
წყარო : www.goethe.de