სკოლის მოსწავლეებმა თავად შექმნეს ჰაერის გამწმენდი საშუალებები
- სამეცნიერო ფესტივალისთვის ლონდონის ერთ-ერთი სკოლის მოსწავლეებმა გააკეთეს ჰაერის გამწმენდი საშუალებები.
- ვორტექს იოტთან თანამშრომლობისას სამუშაო შეხვედრაზე განიხილეს, თუ რა გავლენას ახდენს ჰაერის დაბინძურება და რა დადებითი ცვლილებები შეგვიძლია გამოვიწვიოთ გარემოზე ზრუნვით.
- ვორტექსის ჰაერის ხარისხის მონიტორის მონაცემებით აღფრთოვანებულმა ბავშვებმა შექმნეს ჰაერის დაბინძურების მონიტორის თავიანთი ვერსია.
„დედები ფილტვებისთვის“ არის სუფთა ჰაერის კამპანიის ქსელი, რომელიც სამხრეთ ლონდონის დაწყებით და საშუალო სკოლებთან ერთად თანამშრომლობს რამდენიმე
პრესტიჟულ სამეცნიერო ორგანიზაციასთან დიდ ბრიტანეთში.
სამხრეთ ლონდონში დაწყებითი სკოლის მოსწავლეებმა შექმნეს ჰაერის გამწმენდი საშუალებები. ვორტექს იოტთან თანამშრომლობისას სამუშაო შეხვედრაზე განიხილეს, თუ რა გავლენას ახდენს ჰაერის დაბინძურება და რა დადებითი ცვლილებები შეგვიძლია გამოვიწვიოთ გარემოზე ზრუნვით. ვორტექსის ჰაერის ხარისხის მონიტორის მონაცემებით აღფრთოვანებულმა მოსწავლეებმა დაამზადეს ხელსაწყო ჰაერის დაბინძურების მონიტორისათვის, ამისათვის გამოიყენეს ქაღალდის თეფშები და ვაზელინი.
ბავშვებმა ასევე შექმნეს პოსტერები, რომლებზეც წარმოდგენილი იყო ჰაერის დაბინძურების საფრთხეები, „ისინი მაქსიმალურად ჩართულები იყვნენ ამ პროცესში“, — განაცხადა სამუშაო შეხვედრების ლიდერმა.
კლერ მაკდონალდის თქმით, ფესტივალი მიზნად ისახავს, გააცნოს სკოლებს ჰაერის დაბინძურებისგან გამოწვეული საფრთხეები. ეს ასევე შესანიშნავი გზაა საიმისოდ, რომ სკოლები ჩაერთონ სამეცნიერო მოვლენებში, თანაც აიმაღლონ ცნობიერება ჰაერის დაბინძურების შესახებ.
ფესტივალის განმავლობაში რამდენიმე სამუშაო შეხვედრა ჩატარდა, სამომავლოდაც იგეგმება შეხვედრები. სასწავლო წლის ბოლომდე კი 4-დან 16-წლამდე უმცროსი მეცნიერების მცირერიცხოვანი არმია შეძლებს და ჰაერის დაბინძურების შესახებ მთელ სამხრეთ ლონდონს მიაწვდენს ხმას.
ლონდონში სუფთა ჰაერის დღის აღსანიშნავად იმართება ღონისძიება, რომელზეც ელოდებიან ამ არაჩვეულებრივ მოზარდებს, ისინი ყველას მოუყვებიან, თუ რა ისწავლეს ჰაერის დაბინძურების შესახებ.
სტატიაზე მუშაობდა : თაკო ჩუმაშვილი
წყარო : airqualitynews.com
9 ივნისი 2023 წელი.