შეხვედრა თბილისის საკრებულოში ქვის მშრალი მეთოდით დამუშავებასთან დაკავშირებით

მოხალისეობრივი მოძრაობა „ჩემი ქალაქი მკლავს“ ყოველდღიურად ახორციელებს ქმედებებს, იმ მიზნით, რომ ჩვენი ქვეყნის მოსახლეობას ჰქონდეს სუფთა ჰაერი და იცხოვრონ ჯანსაღ გარემოში. გარემოში, რომელში ცხოვრებაც რისკის შემცველი არ იქნება მოსახლეობის ჯანმრთელობისათვის. „ჩემი ქალაქი მკლავს“-ის იმ ქმედებათაგან ერთ-ერთი, რომელსაც ის ახორციელებს არის ქვის მშრალი მეთოდით დამუშავებასთან ბრძოლა.

ამა წლის 21 ივლისს მოძრაობის წევრებს ჰქონდათ შეხვედრა მუნიციპალურ ინსპექციასთან ერთად ქალაქ თბილისის საკრებულოში. შეხვედრა შეეხებოდა ქვის მშრალი მეთოდით დამუშავების კანონის გამკაცრებას.

შეხვედრის მიმდინარეობისას მათ წარადგინეს ხედვები კანონის გამკაცრებასთან დაკავშირებით. მათ წარმოადგინეს ასევე იდეა იმის შესახებ, რომ არსებული ჯარიმები გაიზარდოს სამჯერ.

აღსანიშნავია ის ფაქტი, რომ საკრებულოს წევრებმა მხარი დაუჭირეს ჯარიმების გამკაცრების ინიციატივას. დღესდღეობით ჯარიმის ოდენობა არის 1000 ეროვნული ლარი, რომელიც აუცილებლად გაიზრდება.

ქვის მშრალი მეთოდით დამუშავება ძალიან საშიშია ჯანმრთელობისათვის, კერძოდ, ის იწვევს სიცოცხლესთან შეუთავსებელ დაავადებას – სილიკოზს. სილიკოზი არის ფილტვის დაავადებაა, რომელიც ვითარდება მავნე მტვრის დიდი ხნის განმავლობაში შესუნთქვით. განსაკუთრებით საშიშია ისეთ ადგილას მუშაობა, სადაც გიწევთ სილიციუმის შემცველი მტვრის ჩაყლაპვა. დროთა განმავლობაში სილიციუმი გროვდება ფილტვებში და აჩენს ნაწიბურებს, რას ართულებს სუნთქვს.

„ჩემი ქალაქი მკლავს“-ის წევრების თქმით მოძრაობა საქართველოს მოსახლეობასთან ერთად დაიცავს ჩვენი ქვეყნის ჰაერს დაბინძურებისგან და ისინი მიზანს აუცილებლად მიაღწევენ. სუფთა ჰაერი ყველა ჩვენგანის უფლებაა.

სტატიაზე მუშაობდა : თამარ ყვავაძე