ქვის დამუშავების შედეგად წარმოქმნილი მტვერი ჯანმრთელობას საფრთხეს უქმნის
ქვის დამუშავების შედეგად წარმოქმნილი მტვერი ჯანმრთელობისთვის განსაკუთრებით საშიშია. სასუნთქ გზებში, ქვის მტვრის მოხვედრის შემთხვევაში, შესაძლოა განვითარდეს ფილტვის დაავადება – სილიკოზი.
სილიკოზი დაავადებაა, რომელიც ვითარდება მავნე მტვრის ხშირი შესუთქვით. ფილტვებში მტვრის მოხვედრა, დასაწყისში, მხოლოდ სუნთქვის უკმარისობას იწვევს, რაც შესაძლოა, მოგვიანებით სილიკოზში, სილიკო-ტუბერკულოზში ან ფილტვის კიბოში გადაიზარდოს.
ქვის დამუშავებისას, სამუშაო ადგილზე აუცილებელია დამცავი ღონისძიებების გატარება, რათა მინიმუმამდე იქნას დაყვანილი ქვის მტვრის წარმოქმნა. პირველი რიგის ღონისძიებებს მიეკუთვნება: ქვის სველი წესით დამუშავება, სპეციალური მტვერსასრუტის გამოყენება და წარმოქმნილი მტვრის გადაყრა, რათა მაქსიმალურად შემცირდეს მტვრის ჰაერში გაბნევის რისკი. მომუშავე პერსონალმა კი სპეციალური დამცავი ნიღაბი უნდა ატაროს.
სტატიაზე იმუშავა : მეგი წერეთელი – ანა კუხაშვილი