მარტივი ტექნოლოგია, რომლის გამოყენებითაც მაყუჩის გამონაბოლქვის შემცირებაც კი შესაძლებელი იქნება

• იაფი პოლიმერის, მელამინის, გამოყენებით ქიმიკოსებმა შექმნეს იაფი, მარტივი და ენერგოეფექტური ტექნოლოგია ავტომობილების მაყუჩიდან გამოყოფილი ნახშირორჟანგის შესამცირებლად
• აშშ-ში გამოყოფილი სათბურის აირების 75 პროცენტს წიაღისეულის საწვავის მოხმარების შედეგად წარმოქმნილი ნახშირბადის დიოქსიდი შეადგენს.
• „ჩვენი მიზანი იყო იაფი და ადვილად ხელმისაწვდომი ნივთიერების შექმნა, რომელიც ნახშირბადის გამოყოფის შესამცირებლად გამოდგებოდა და თავდაპირველად მელამინზე შევჩერდით“, – ჯეფრი რეიმერი.

პოლიმერის, მელამინის, გამოყენებით ქიმიკოსებმა შექმნეს იაფი, მარტივი და ენერგოეფექტური გზა ავტომობილების მაყუჩიდან გამოყოფილი ნახშირბადის დიოქსიდის შესამცირებლად. ეს აშშ-ისა და სხვა ბევრი ქვეყნის ძირითადი მიზანია, რადგან ამ ქვეყნებს ატმოსფეროში სათბურის აირების გამოყოფის შემცირება სურთ.

ჟურნალ ,,Science Advances-ში“ გამოქვეყნებული ინფორმაციის მიხედვით, მელამინის გამოყენებით შესაძლებელი იქნება ავტოსატრანსპორტო საშუალებისა და დაბინძურების სხვა მოძრავი წყაროებიდან გამოყოფილი ნახშირორჟანგის შეკავება.  აშშ-ში გამოყოფილი სათბურის აირების 75 პროცენტს წიაღისეულის საწვავის მოხმარების შედეგად წარმოქმნილი ნახშირბადის დიოქსიდი შეადგენს.

ამ ახალი ნივთიერების დამზადება მარტივია. ამისთვის საჭიროა მზა მელამინის ფხვნილი, რომლის 1 ტონაც 40 დოლარი ღირს. ასევე, საჭიროა ფორმალდეჰიდი და ციანიდის მჟავა. ამ უკანასკნელს ხშირად ამატებენ ქლორთან ერთად საცურაო აუზების წყალში.

„ჩვენი მიზანი იყო, იაფი და ადვილად ხელმისაწვდომი ნივთიერების შექმნა, რომელიც ნახშირბადის გამოყოფის შესამცირებლად გამოდგებოდა და თავდაპირველად მელამინზე შევჩერდით“, – განაცხადა ჯეფრი რეიმერმა, ბერკლიში მდებარე კალიფორნიის უნივერსიტეტის ქიმიისა და ბიომოლეკულური ინჟინერიის ფაკულტეტის პროფესორმა.

სტატიაზე მუშაობდა : ლილიან მეტრეველი და ნინი თოიძე

წყარო : www.enn.com