კლიმატის ცვლილებით გამოწვეულ გვალვას ათასობით ფლამინგოს ბარტყი ეწირება

• ტუზის ტბა, რომლის ფართობია 1,665 კმ², სადაც ყოველწლიურად დაახლოებით 10 000 ფლამინგო იბადება. წელს, მხოლოდ 5000 -მდე გამოიჩეკა, რომელთა უმეტესობა მალევე დაიღუპა.
• გარემოს დამცველები ამბობენ, რომ ამის მიზეზი კლიმატის კრიზისი და სასოფლო-სამეურნეო ირიგაციაა.

თურქეთის ტუზის ტბაზე, ძლიერმა გვალვამ ათასობით ფლამინგოს ბარტყის დაღუპვა გამოიწვია. გარემოს დამცველები ამბობენ, რომ ამის მიზეზი კლიმატის კრიზისია, ისევე როგორც სასოფლო-სამეურნეო ირიგაცია.

ტუზის ტბა, რაც თურქულად ნიშნავს მარილის ტბას – მსოფლიოში ერთ -ერთი უდიდესი ჰიპერმლაშე ტბაა, რომლის ფართობია 1,665 კმ², სადაც ყოველწლიურად დაახლოებით 10 000 ფლამინგო იბადება. მაგრამ წელს, მხოლოდ 5000 -მდე გამოიჩეკა, რომელთა უმეტესობა მალევე დაიღუპა.

ტბა, რომელიც ხანდახან ცოცხალ ვარდისფერ ფერს იღებს, დაშრა. Yahoo-ს დამკვირვებელმა ისტემ დონმეზმა თქვა, რომ ტბა უდაბნოს ჰგავს, რაც “ძალიან სამწუხარო” სანახაობაა.

”არ იყო ცოცხალი ფლამინგოები,  ჩვენ მხოლოდ მკვდარი ფრინველები ვნახეთ,” – თქვა მან. “ტბის წყალი საერთოდ გაქრა, ფოტოს გადაღებისას წყლის ნასახიც კი არსად იყო. ტბის კალაპოტში, სხვადასხვა ადგილას ეყარა მკვდარი ფლამინგოები, დიდიც და პატარაც “.

გარემოს დამცველი და ველური ბუნების ფოტოგრაფი ფაჰრი ტუნჩი როიტერსს ესაუბრა ფლამინგოების სიკვდილის შესახებ. ტუნჩმა განმარტა, რომ წყლის მარაგები, რომლებიც, ჩვეულებრივ, ტუზის ტბას მიეწოდებოდა, გადამისამართებულია მეურნეობებისათვის.

”ეს არის სარწყავი არხი, რომელიც მოდის კონიიდან. მას სჭირდება, რომ წყალი მიეწოდებოდეს ტუზის ტბას, მაგრამ როგორც ხედავთ, წყალი არ შემოდის. ის შეჩერებულია ” – თქვა ტუნჩმა. ”ეს არის ცოდვა, რომელაც ჩვენ ყველანი ჩავდივართ“.

სტამბოლის უნივერსიტეტის პროფესორი დოგანაი ტოლუნეი გაზეთ Milliyet– ს ესაუბრა წყლის დეფიციტის შესახებ. მან გააფრთხილა, რომ ნალექების დონე სახიფათოდ დაბალია ანატოლიაში, სადაც ტუზის ტბა მდებარეობს. ”მოსავალი ვერ ავიღეთ ნალექების ნაკლებობის გამო. გვალვები და წყლის სერიოზული კრიზისი გველოდება, ” – თქვა მან.

სტატიაზე მუშაობდა : ლედი ბოჟაძე

წყარო : plantbasednews.org